दैनिक पंचांग - रविवार २९ सप्टेंबर २०२४. भाद्रपद कृष्णपक्ष. द्वादशी श्राध्द. तिथी - द्वादशी १६|४८. रास-सिंह. नक्षत्र-मघा. योग-साध्य. करण-तैतिल. दिनविशेष-१७ प. चांगला

मेष - आजच्या दिवसात मोठ्या प्रवासाचे योग दिसत आहेत. धार्मिक कार्यामध्ये उत्साहाने सहभागी व्हाल. मनासारख्या गोष्टी सहज घडताना आज दिसून येईल.

वृषभ - कीर्ती, प्रसिद्धी मिळण्याचा आजचा दिवस आहे. प्रवास घडतील प्रवासामधून कामाची निगडित गोष्टी वाढीस लागतील. आपल्या बॉसकडून आपले कौतुक होईल.

मिथुन - अपेक्षा उंचावणं काही वाईट नसते. आज अनेक अपेक्षा आपण ठेवलेल्या सिद्धीस जाताना दिसून येत आहे. नातेवाईकांच्या सहकार्याने पुढे जाल. दिवस चांगला जाईल.

कर्क - कलह, मनस्ताप, कटकटी, अनारोग्य, दुःख, दैन्य अशा गोष्टींनी आज दिवस भरलेला असेल. उत्तम उपाय म्हणजे मनस्ताप टाळणे आणि शांत बसणे. खर्चावर आळा घाला.

सिंह - ऐटित राहणे आज चांगले जमेल. इतरांवर आपला प्रभाव राहील. स्वतः साठी काही नवीन गोष्टी खरेदी करण्याची इच्छा होईल. आपले व्यक्तिमत्व फुलून येईल.

कन्या - हिशोब, खर्चाचा ताळमेळ, योग्य गुंतवणुकीसाठी धडपड, केलेली गुंतवणूक मुदत संपते आहे त्याचे पैसे मिळवण्यासाठी धडपड, असा आजचा दिवस बँकांच्या कामासाठी भारलेला असेल.

तूळ - भावंडांचे सहकार्य चांगले मिळेल. जोडीदारापासून भाग्योदयाच्या संधी आहेत. आपल्यावर सगळ्यांचे प्रेम आहे हे आज जाणून येईल.

वृश्चिक - घरगुती गोष्टींमध्ये अडकून जाल. कामाच्या व्यापावर पण तेवढेच लक्ष द्यायला पाहिजे हे नंतर समजेल. न संपणाऱ्या गोष्टींचा ससेमिरा मागे लागणार आहे असं दिसते आहे.

धनु - कला, मनोरंजन क्षेत्रांमध्ये आघाडी मिळवाल .आपले मन रमण्यासाठी अनेक गोष्टी कराल. आज दत्त उपासना फलदायी ठरणार आहे. निर्णय योग्य ठरतील.

मकर- हाताखालील लोकांपासून सावधानतेचा आज इशारा आहे. विनाकारण आपला अपमान होईल. तब्येतीच्या कुरबुरी राहतील. आपले कर्म चांगले ठेवा.

कुंभ - जोडीदाराबरोबर प्रेम वाटेल. प्रवास घडतील. व्यवसायामध्ये वृद्धी होईल. कोर्ट कचेरीचे निकाल मनाप्रमाणे लागतील. दिवस चांगला राहील.

मीन - कधीकधी मन हतबल होते. काय करावे सुचत नाही. केलेल्या गोष्टींमध्ये यशही मिळत नाही. आज असा दिवस आहे. यापेक्षा हातावर हात धरून बसावे असे वाटेल.