दैनिक पंचांग - २६ जून २०१४

वार - बुधवार. तिथी- ज्येष्ठ कृष्ण पंचमी. नक्षत्र- धनिष्ठा. योग -विष्कंभ.करण - कौलव. रास -कुंभ. दिनविशेष -उत्तम दिवस.

मेष : मनाला वेगळीच उभारी मिळेल

मनातील सर्व इच्छा आकांक्षा पूर्ण होण्याचा आजचा दिवस आहे. ठरवेल ते होते आहे हे बघून मनाला एक वेगळी उभारी मिळेल. आपल्यामुळे इतरांना सुद्धा ऊर्जा मिळणार आहे.

वृषभ : चांगल्या गोष्टी वाढीस लागतील

कामाच्या ठिकाणी वातावरण खेळीमेळीचे राहील. त्यामुळे एक वेगळीच उभारी येईल. काहींना प्रवासही घडतील. त्या प्रवासात नवीन कामाचे प्रस्ताव येतील. चांगल्या गोष्टी वाढीस लागतील. एकूण दिवस किर्ती आणि संपदा प्राप्त करण्याचा आहे.

मिथुन : सकारात्मकता मिळेल

उपासनेला आज विशेष बळ मिळेल. देवावरचा विश्वास आढळ राहील. जे मनात येईल त्याला सकारात्मकता मिळेल. काही जणांना प्रवासाचे योग आहेत. धर्म आणि अध्यात्म यांत दिवस चांगला जाईल.

कर्क : त्रासल्यासारखे होईल

आज मनासारख्या गोष्टी काही होताना दिसत नाहीत. आपली रास भावनिक त्यामुळे थोडं काही झालं तरी त्रासल्यासारखे होते. आज मन घट्ट करा आणि येणाऱ्या गोष्टींना सकारात्मकतेने सामोरे जा.

सिंह : संधीचे सोने करा

कोर्टाची काम असो, प्रवास असो, परदेशगमनाचे योग, असो संततीच्या भवितव्य वाढीसाठी आजचा दिवस छान योग घेऊन आला आहे. या संधीचे सोने करा.

कन्या : तब्येतीच्या तक्रारी वाढतील

विनाकारण डोक्यात विचारांचे थैमान घालून घेऊ नका. शत्रू त्रास देतीलच. पण त्याच्यावर कुरघोडी कशी करायची हे लक्षात ठेवा आणि पुढे चला. तब्येतीच्या तक्रारी डोके वर काढतील. पोट जपा.

तूळ : अनेक गोष्टींमध्ये मन रमेल

पैशाची इतर गुंतवणूक जर करणार असाल तर त्यासाठी आजचा दिवस चांगला आहे. कला, मनोरंजन या गोष्टींमध्ये मन रमेल. संतती सौख्य लाभेल.

वृश्चिक : निर्णय लाभदायक ठरतील

राहत्या घराचे प्रश्न मार्गी लागतील. जमीन - जुमला, जनावरे यासाठी विशेष काही व्यवहार आज होतील. आपण जे निर्णय घ्याल ते पुढील दृष्टीने लाभदायक ठरतील.

धनु : नवी ताकद मिळेल

पत्रव्यवहार मार्गी लागतील. भावंडांचे विशेष सौख्य मिळेल. संकटाशी दोन हात करण्याची ताकद आज मिळणार आहे. दिवस चांगला.

मकर : गुंतवणुकीसाठी चांगला दिवस

पैशाची आवक चांगली राहणार आहे. काही गुंतवणूक करत असाल तर त्या दृष्टीने दिवस छान आहे. कुटुंबीयांचा सल्ला, मोठ्या लोकांचा सल्ला आज मार्गदर्शक ठरेल.

कुंभ : सकारात्मकता वाढेल

छान सकारात्मकता वाढीला लागेल. आपली रास बौद्धिक रास असल्यामुळे खरंच जे कराल त्या गोष्टीत आज विशेष आनंद मिळेल. स्वतःकडे विशेष लक्ष द्या. आपल्यातच मशगुल रहाल.

मीन : मनाचा कौल बघा

कोणत्याही बंधनात आज अडकू नका. आपल्या मनाचा कौल बघा आणि त्या दृष्टीने पावले उचला.