आजचे पंचांग

रविवार,२६ जानेवारी २०२५,पौष कृष्णपक्ष,गणराज्य दिन.

तिथी- द्वादशी २०|५५

रास- वृश्चिक ०८|२६ नं. धनु

नक्षत्र- ज्येष्ठा ०८|२६

योग-व्याघात

करण-कौलव

दिनविशेष- आनंदी दिवस

मेष - खर्चाचे प्रमाण काही केल्या आवाक्यात राहणार नाही. "वाढता वाढता वाढे" असा दिवस आहे. वाहने जपून चालवावीत असा मात्र आजसाठी इशारा आहे. वेगावर नियंत्रण हे गरजेचे आहे.

वृषभ- नवी दिशा नवे मार्ग सापडतील. ठरवलेल्या गोष्टी सुनियोजित पार पडतील. नवीन हितसंबंध निर्माण होतील. कामाची गती चांगली राहील.

मिथुन- सगळे करून "पालथ्या घड्यावर पाणी" असा दिवस आहे. वेळ आणि पैसा वाया जाण्याची शक्यता आहे. कर्मचारी वर्गाचे सहकार्य लाभेल. त्यांना संभाळून घ्यावे लागेल.

कर्क- दैनंदिन कामामध्ये काही अडचणी निर्माण होताना आज दिसत नाहीत. सुट्टीचा दिवस आनंदाने साजरा कराल. अनेकांचे सहकार्य आज लाभेल.

सिंह - प्रॉपर्टीचे नवनवीन प्रस्ताव समोर येतील. आणि कदाचित ते तुम्ही मान्य कराल. मानसिक सौख्य आणि समाधान लाभल्यामुळे जीवनाला नवीन दिशा आज मिळेल.

कन्या - हाती घेतलेल्या कामांमध्ये यश तर नक्कीच लाभणार आहे. तुमची जिद्द, उमेद आणि बुद्धीच्या ताकतीवर तुम्ही पुढे जाल. दिवस कार्यरत राहण्यात अग्रेसर असेल.

तूळ - कौटुंबिक जीवनामध्ये सुसंवाद साधाल. एक वेगळा ताळमेळ कुटुंबीयांच्या मध्ये तुम्ही साधू शकाल. अचानक धनालाभाची सुद्धा शक्यता नाकारता येत नाही.

वृश्चिक - आपली मते नेहमीच ठाम असतात आणि त्या विषयात पण आपण आग्रही राहणार आहात. घेतलेली शासकीय कामे आज सुरळीत मार्गी लागतील. असा दिवस आहे.

धनु - वेळ आणि पैसा वायाच जाईल अशी शक्यता आहे. मनस्वास्थ्य शोधण्यासाठी अध्यात्माकडे कल राहील. काळजी घ्या.

मकर - महत्त्वाचे पत्र व्यवहार जे अनेक काळ रेंगाळले होते ते आज पार पडतील. नव्याने काही परिचय होतील. नवीन मित्रमंडळी होतील. त्यांच्यामध्ये आपला वरचढपणा राहील.

कुंभ- राजकीय, सामाजिक क्षेत्रामध्ये सहभागी होण्याचा आजचा दिवस आहे. कामाला छान चालना मिळाल्यामुळे आपला उत्साह आणि उमेद वाढेल.

मीन - आरोग्याच्या दृष्टीने आजचा दिवस खास आहे. म्हणाल तेवढ्या गोष्टी उत्तम पद्धतीने होतील. एखादी महत्त्वाची वार्ता कानावर येईल. त्यामध्ये आज आपण मशगुल रहाल.