आजचे पंचांग

बुधवार,१८ डिसेंबर २०२४,मार्गशीर्ष कृष्णपक्ष,

संकष्ट चतुर्थी.

तिथी- तृतीया १०|०७

रास- कर्क

नक्षत्र-पुष्य

योग-ऐंद्रयोग

करण- बवकरण

दिनविशेष-१० नं. चांगला

मेष - अनेक लाभ पदरात पडण्याचा आजचा दिवस आहे.मनासारख्या गोष्टी घडल्यामुळे पुढील काम करण्यास आज हुरुप येईल. नातेवाईकांच्याकडून योग्य ती मदत आणि सहकार्य मिळेल.

वृषभ - तब्येतीच्या तक्रारी वाढत्या राहतील. कदाचित रुग्णालयासाठी खर्च येईल. डॉक्टरांच्यावर विश्वास ठेवा त्यामुळे अडचणी कमी होतील. मनस्थिती सांभाळा.

मिथुन - सकारात्मकता वाढीला लागेल. ठरलेल्या गोष्टी सुनियोजित वेळेत झाल्यामुळे दिवस सार्थकी लागेल. व्यवसाय वृद्धीसाठी आज सुवर्णसंधी असेल.

कर्क- पैशाची आवक चांगली राहील. घरातील वरिष्ठ लोकांच्याकडून आपल्याला शाबासकीची थाप मिळेल. कुटुंबीयांसाठी झोकून देऊन काम कराल.

सिंह - छोट्या प्रवासात आज फायदा होईल. महत्त्वाचे पत्रव्यवहार मार्गी लागणार आहेत. जोडीदारापासून भाग्योदय संभावतो आहे. आपली उदारता आणि सढळता यामुळे समाजात वाहवा होईल.

कन्या - शेतीच्या कामामध्ये फायदा आहे. बागायतीची कामे मार्गे लागतील. घराचे व्यवस्था यांत पैसा खर्च करावा लागेल. इतरांना जपत, तोल सांभाळत दिवस यशाच्या शिखरावर राहील.

तूळ - देवी उपासना फलदायी ठरेल. सत्कर्मा मध्ये वाढ होईल. स्वतःचा आत्मविश्वास द्विगुणीत होईल. इतरांच्या फायद्यासाठी त्याचा वापर कराल. क्रीडा क्षेत्रात प्रगती आहे.

वृश्चिक - चोर आणि चोरी पासून सावधगिरीचा आज इशारा आहे. ठरलेल्या गोष्टी वेळेत घडतात. आज घाई नको. गुप्त शत्रूंचा त्रास वाढेल.

धनु - जोडीदाराच्या विचित्र निर्णयामुळे जीव मेताकुटीला येईल. त्यामुळे व्यवसायामध्ये सुद्धा मन रमणार नाही. द्विधा मनस्थिती टाळून अडचणींवर मात करा. असे दिवस सांगतो आहे.

मकर - शारीरिक मेहनत आणि कष्ट याचा आलेख आज वाढता राहील. अंतर्मुख व्हावे असेही वाटेल. चुकीच्या गोष्टीत अडकलात तर त्याचे बुमरांग तुमच्याकडे येईल हे लक्षात ठेवा.

कुंभ - शिव उपासना करावी. श्रेयस आणि प्रेयस यातील फरक ओळखा आणि पुढे चला. भाग्याने चांगल्या गोष्टी पदरात दिलेल्या आहेत त्याकडे सकारात्मकतेने पहा.

मीन - व्यवसाय वृद्धी आणि करिअरच्या दृष्टीने दिवस चांगला आहे. आपल्यामध्ये लपलेल्या कामाच्या दृष्टीने अनेक गोष्टी आज बाहेर येईल. सहकाऱ्यांची योग्य साथ मिळाल्याने दिवस सुखाचा जाईल.