आजचे पंचांग

मंगळवार,२२ ऑक्टोबर २०२४, अश्विन कृष्णपक्ष.

तिथी- षष्ठी २५|२९

रास- मिथुन

नक्षत्र-आर्द्रा

योग-परिघ

करण-गरज

दिनविशेष-चांगला दिवस

मेष - डोके शांत ठेवून काम करण्याची आज गरज आहे. नाहीतर झालेल्या गोष्टीवर पाणी फिरवाल.काही वेळेला बुद्धीने तर, काही वेळा युक्तीने काम करावे लागते. आज युक्तीने काम करण्याचा दिवस आहे.

वृषभ - आगीतून फोफाट्यात असे होत नाहीये ना? याचा चार वेळा विचार करा. जुन्या गोष्टी घडलेल्या पुन्हा चुका करू नका. पैशाशी निगडित निर्णय सुधाराल.

मिथुन- गोड बोलून समोरच्याला वश कराल. व्यवसाय, व्यापारामध्ये वृद्धीचा दिवस आहे. आपल्या व्यक्तिमत्त्वाची छाप इतरांवर पडेल.

कर्क - पैशाच्या खर्चावर आळा घलणे आज गरजेचे आहे. विनाकारण आपला हात आज सढळ होतोय हे तुम्हालाही जाणवेल. आपल्या वस्तू सुद्धा जपा.

सिंह - नको त्या गोष्टीची उगाच लांबड लावू नका. काही गोष्टी सहजगत्या आज आपल्या पदरात सकारात्मक येणार आहेत . त्या तशाच घ्या. लांबणीवर घटना टाकू नका.

कन्या - आपले निर्णय आपल्या सहकाऱ्यांना रुचतील. वरिष्ठा वर्गाकडून आज आपले कौतुक होईल. बौद्धिक गोष्टींच्याकडे विशेष लक्ष द्या. त्याचा कौल विचारात घ्या.

तुळ - आज मितीला आपल्याला जे मिळाले आहे त्यासाठी देवाकडे कृतज्ञता व्यक्त कराल. भगवंतावरचा विश्वास पक्का होईल. उपासनेच्या दृष्टीने दान, दानधर्म याच्या दृष्टीने आजचा दिवस विशेष चांगला आहे.

वृश्चिक - दिवस मृत्यूतुल्य पिडा देणारा आहे. आपलेच आपल्या पाठीत खंजीर खूपसतील. शरीरिक मेहनत आणि कष्ट याचा आलेख उंचावेल.

धनु - कोर्टाची कामे मागे असल्यास आज तुमच्या बाजूने कौल लागेल. पैशासाठी हात आखडता घ्यावा. व्यवसाय वृद्धी होण्याचा संभव आहे.

मकर - गुडघे आणि सांधेदुखीची दुखणे डोके वर काढतील. जे सहज शक्य आहे अशाच गोष्टींमध्ये विशेष लक्ष द्या. अंगावर ओढून कामे घेऊ नका.

कुंभ - शेअर मधील गुंतवणूक, लॉटरी मधून पैसा आज संभवतो आहे. योग्य मार्गाने पैसा मिळवा. शिव उपासना विशेष फलदायी ठरेल. संतती सौख्य उत्तम राहील.

मीन - घरी धार्मिक कार्यक्रम घडेल. कौटुंबिक वातावरण सुखाचे राहील. घरातील मोठ्या जबाबदाऱ्या अंगावर घेऊन पार पाडाव्या लागतील.