SUMMERY

• गजकेसरी राजयोग 22 जुलै 2025 रोजी चंद्र-गुरुच्या युतीने तयार होतो.

• मिथुन राशीत चंद्र प्रवेश करणार असून आधीपासून गुरू विराजमान

• ही युती कन्या, मिथुन आणि सिंह राशींसाठी विशेष लाभदायक

• रोजगार, विवाह, मान-सन्मान आणि आर्थिक स्थैर्य यामध्ये वाढ होण्याची शक्यता

• शिक्षण, लेखन, व्यापार, मीडिया आणि कौटुंबिक नात्यांमध्येही होणार सुधारणा

गजकेसरी राजयोग हा चंद्र आणि गुरु या दोन शुभ ग्रहांच्या युतीने तयार होणारा एक प्रभावशाली योग आहे. ज्यावेळी चंद्र आणि गुरू एकाच राशीत एकत्र येतात, तेव्हा हा योग निर्माण होतो. हा योग शुभ फलदायक मानला जातो. याच्या प्रभावामुळे व्यक्तीच्या जीवनात समृद्धी, प्रतिष्ठा, बुद्धिमत्ता आणि यश प्राप्त होण्याची शक्यता वाढू शकते.

२२ जुलै २०२५ रोजी चंद्रदेव मिथुन राशीत प्रवेश करणार आहेत, जिथे आधीच गुरु बृहस्पती उपस्थित आहेत. या दोघांच्या युतीमुळे ‘गजकेसरी राजयोग’ तयार होतोय. या योगाचा फायदा विशेषतः तीन राशींना होणार आहे.

कन्या राशी

कन्या राशीसाठी हा योग कर्मभावात तयार होणार असल्याने, हे राशीचे लोक करिअरमध्ये झपाट्याने प्रगती करू शकतात. नोकरी मिळवण्यासाठी धडपडणाऱ्यांना चांगले संधी मिळू शकतात. समाजात प्रतिष्ठा मिळेल आणि प्रसिद्धी वाढणार आहे. शिक्षणाच्या क्षेत्रात मेहनत घेतलेल्यांना यश मिळण्याची शक्यता आहे.

मिथुन राशी

गजकेसरी योग मिथुन राशीतच तयार होत असल्यामुळे, ही राशी केंद्रस्थानी आहे. यामुळे आर्थिक स्थिती सुधारणार आहे. नवीन मालमत्ता विकत घेण्याचे योग तयार होतील. विवाहित लोकांचे वैवाहिक जीवन अधिक मजबूत होणार आहे. बौद्धिक क्षमता आणि निर्णय घेण्याची क्षमता वाढणार आहे.

सिंह राशी

सिंह राशीसाठी हा योग धनस्थानात तयार होणार आहे. आकस्मिक धनलाभ होण्याची शक्यता आहे. व्यापारात चांगला फायदा होणार आहे. कला आणि लक्झरी वस्तूंच्या व्यवसायांमध्ये भरघोस नफा मिळू शकतो. कामाच्या ठिकाणचे अनेक अडथळे दूर होतील.