श्री वासुदेव सत्रे

ज्योतिष व वास्तुशास्त्र मार्गदर्शक, मोबाईल नंबर - 9860187085

आजचे राशीभविष्य, ५ जानेवारी २०२६

मेष - थोडं टेन्शन आणि स्वभावात आळस राहील. मनोस्वास्थ्याकडे लक्ष द्यावे. दिवस आनंदात घालवण्याचा प्रयत्न करा.

वृषभ - कुठल्याही कामात सहज यश भेटेल. मारुतीच्या मंदिरात जाऊन दर्शन घ्या. विशेष कामाला प्राधान्य दिल्यास लवकर यश भेटेल.

मिथुन - वैवाहिक जीवनात अडचणी येऊ शकतात. वाद झाल्यास माघार घेणं फायदेशीर राहील. घरातील वाद बाहेर कळणार नाही याची काळजी घ्या.

कर्क - अचानक धनलाभ होईल. भविष्यात होणाऱ्या घटनांच्या पूर्वसूचना मिळतील, त्या अंमलात आणल्यास भरपूर फायदा होईल.

सिंह - कौटुंबीक जीवन आनंदमय राहील. आजी-आजोबांची नातवंडांबरोबर भेट होईल. घरात अनेक दिवसांनंतर आनंदोत्सव घडेल.

कन्या - खूप विचार करून निर्णय घ्यावा. शत्रुचा त्रास होऊ शकतो. काळजी घ्यावी. तोंडातून अपशब्द वापरणे टाळावे.

तुला - नवीन वास्तू खरेदी करायची असल्यास आज शोध घ्यावा यश मिळेल. वैयक्तिक गोष्टी गूह्य ठेवाव्यात. एकट्याने आर्थिक व्यवहार करणे टाळावे.

वृश्चिक - अतिशय शिस्तबद्ध दैनंदिनी ठेवावी. विशेषतः पत्नीने पतीचे मन राखावे. घरातील स्त्रीने सौभाग्य अलंकार करून देवांची यथासांग पूजा करावी.

धनू - विद्यार्थ्यांसाठी आनंदवार्ता मिळेल. अभ्यासात मन रमेल. गणपतीची उपासना करावी. वकीलांना करिअर मधे पूरेपूर यश मिळेल.

मकर - देवीची उपासना करावी, येणाऱ्या संकटांचं निवारण होईल. पैसे जपून खर्च करा. उसणे पैसे देणं टाळावं.

कुंभ - ज्ञानार्जन करण्यात वेळ घालवा. काहीतरी नवीन शिकायला मिळेल. नवनवीन लोकांसोबत परिचय फायदेशीर राहील.

मीन - "मनी मानसी व्यर्थ चिंता वहाते अकस्मात होणार होऊनी जाते" असा एकंदरीत आजचा दिवस राहील. म्हणून अगदी निवांत रहावं. आणि आपल्या कार्यात मग्न रहावं. श्री रामाची उपासना भरपूर मदत करेल.