आजचे पंचांग

सोमवार,१८ ऑगस्ट २०२५,श्रावण कृष्णपक्ष,

शिवमुष्टि (जवस)

तिथी- दशमी १७|२३

रास- वृषभ १४|४० नं. मिथुन

नक्षत्र-मृग

योग-हर्षण

करण-वणिज ०६|२३

विष्टीकरण १७|२३

दिनविशेष-भद्रा वर्ज्य

मेष - काहींना अचानक धनलाभाची याची शक्यता आहे. जुनी येणी वसूल होतील. लग्नाची आवक चमक चांगली राहणार आहे. आनंदी दिवस कुटुंबियांबरोबर व्यतीत कराल.

वृषभ - एखाद्या कामाशी निगडित उत्साह आणि उमेदीने वाटचाल कराल. अनेक दिवस रखडलेली कामे आज सहज मार्गी लावू शकाल. स्वतःसाठी वेळ द्याल. अध्यात्मिक प्रगती सुद्धा होईल.

मिथुन - लांबचे प्रवासाच्या दृष्टीने आपली काळजी घेणे आज गरजेचे आहे. प्रवास शक्यतो टाळणे योग्य राहील. वाहने जपून चालवावीत. महत्त्वाचे ऐवज आणि जिन्नस यांच्याकडे विशेष लक्ष द्या.

कर्क - मित्र मैत्रिणीच्या सहवासाने दिवस प्रफुल्लित राहील. नियोजित दैनंदिन कामे ठरतील. तसेच मार्गी लागतील. त्याचा विशेष आनंद आज असेल. दिवस समाधानी आहे .

सिंह - आपले आरोग्य आज उत्तम राहणार आहे. कार्यक्षेत्र वाढते राहून जोमाने प्रगतीच्या वाटचालीवर रहाल. आपल्या आजूबाजूच्या सर्वच लोकांचे सहकार्य मिळाल्यामुळे "दुधात साखर" असा काहीसा दिवस आजचा आहे.

कन्या - तुम्ही घेतलेले निर्णय आणि अंदाज आज अचूक ठरणार आहेत. मनामध्ये रुंजी घालणाऱ्या गोष्टी आज खऱ्या होतील. मन आनंदी आणि आशावादी राहणार आहे. निश्चित विष्णू उपासना करावी.

तूळ - कोणालाही जामीन राहू नका. अन्यथा "आ बैल मुझे मार" अशी काहीशी अवस्था होईल. मनोबल आज कमी राहील.यासाठी शांततेने आपले ध्येय पार करणे गरजेचे आहे.

वृश्चिक - तुमचा इतरांवर प्रभाव राहणार आहे. एकूणच कार्यक्षेत्रामध्ये सुसंधी आणि प्रगती,प्रसिद्धी आज लागणार आहे. इतरांचे करता करता स्वतःची सुद्धा प्रगती आज सहज साधून घ्याल.दिवस चांगला आहे.

धनु - कर्मचारी वर्गाचे योग्य ते सहकार्य मिळेल.कामाला गती मिळेल काही ठिकाणी मात्र निर्णय जबाबदारीने घेणे गरजेचे आहे. विनाकारण पैसा वाया जाण्याची दाट शक्यता आहे.तब्येत जपावी.

मकर - वैचारिक परिवर्तनाचा दिवस आहे दिशा आणि मार्ग बदलून चांगले काही आयुष्यात आज घडेल. नव्या पथावर वाटचाल कराल. शिव उपासना आज फलदायी ठरणार आहे. धनयोग उत्तम आहेत.

कुंभ - व्यवसाय वृद्धीचा आजचा दिवस आहे. एखादे धार्मिक कार्यक्रम, घरगुती सोहळा होण्याची दाट शक्यता आहे. आरोग्य उत्तम राहील. एकूणच सौख्य घेऊन आलेला दिवस आहे.

मीन - नोकरी व्यवसायामध्ये समाधानकारक स्थिती राहणार आहे. जिद्द आणि चिकाटीने मार्गक्रमण कराल. महत्वाचे पत्रव्यवहार जे रेंगाळलेले आहेत ते आज मार्गी लागतील. भावंड सौख्य उत्तम आहे.