मुंबई : जगातील सर्वात श्रीमंत लोकांचा विषय निघाला की सर्वांच्या नजरा त्या दिशेने वळतात. त्याला कारणही तसंच आहे. जगातील सर्वात श्रीमंत व्यक्तीच्या यादीत आपलं नाव असणे ही काही छोटी-मोठी गोष्ट नाही. त्यांची आलिशान जीवनशैली, आलिशान घरे, महागड्या गाड्या, नौका, बेटे नेहमीच लोकांचे लक्ष वेधून घेतात. साहजिकच लोकांना त्यांच्यासारखे श्रीमंत व्हायचे असते. अनेकांना बऱ्याचदा हा प्रश्नही पडत असेल की या लोकांची रास काय? आज आम्ही तुमच्या याच प्रश्नाचं उत्तर घेऊन आलो आहोत (Know The Zodiac Signs Of The Billionaires Of The World).

जगातील सर्वात प्रसिद्ध अब्जाधीशांपैकी एक असलेले बिल गेट्स (Bill Gates) यांची रास (Zodiac) वृश्चिक (Scorpio) आहे. अहवालानुसार, मायक्रोसॉफ्टचे सह-संस्थापक बिल गेट्स यांची एकूण संपत्ती सुमारे 137 अब्ज डॉलर आहे.

जगातील सर्वात प्रसिद्ध सोशल मीडिया प्लॅटफॉर्म फेसबुकचे संस्थापक मार्क झुकरबर्ग (Mark Zuckerberg) यांची रास वृषभ (Taurus) आहे. अहवालानुसार, ते सुमारे 121 अब्ज डॉलर संपत्तीचा मालक आहे.

गुगलच्या मूळ कंपनी अल्फाबेटचे संस्थापक लॅरी पेज (Larry Page) आणि सर्जे ब्रिन (Sergey Brin) हे जगातील अब्जाधीशांपैकी एक आहेत. लॅरी पेजची रास मेष (Aries) आहे आणि सेर्गे ब्रिनची रास सिंह (Leo) आहे. त्यांच्याकडे अनुक्रमे 131 अब्ज डॉलर आणि 126 अब्ज डॉलरची मालमत्ता आहे.

टेस्लाचे संस्थापक एलन मस्क (Elon Musk) यांची रास कर्क (Cancer) आहे आणि ते 278 अब्ज डॉलर संपत्तीचे मालक आहेत.

अ‍ॅमेझॉनचे संस्थापक जेफ बेझोस (Jeff Bezos) यांची रास मकर (Capricorn) आहे. ही ई-कॉमर्सच्या जगात सर्वात मोठ्या कंपन्यापैकी एक आहे. त्यांच्याकडे सुमारे 202 अब्ज डॉलरची जंगम आणि स्थावर मालमत्ता आहे.

Edited By - Nupur Uppal