आजचे पंचाग

गुरुवार,५ सप्टेंबर २०२४,भाद्रपद शुक्लपक्ष.

तिथी- द्वितीया १२|२२

रास- कन्या

नक्षत्र- हस्त

योग- शुभयोग

करण-कौलव

दिनविशेष-शुभ दिवस

मेष - गाडी किंवा तत्सम अपघात पासून स्वतःला जपण्याचा आजचा दिवस आहे. त्याबाबत विशेष काळजी घ्या. डोक्याला कफन बांधून कामे होणार नाहीत. "चोरावर मोर होऊन राहावे लागेल".

वृषभ - दिवस आनंदी आणि चांगला असेल.नवीन गोष्टी सकारात्मक घडतील. धर्म, अध्यात यामध्ये प्रगती होईल. पैसे खर्च होतील पण योग्य ठिकाणी मार्गी लागतील. दानधर्म वाढेल.

मिथुन - तब्येतीच्या तक्रारी असतील तर आज नव्याने चांगले डॉक्टर मिळतील.योग्य औषधे यांच्यातर्फे लागू होतील. थोडे प्रवासाचे योग दिसत आहेत. करियर साठी यशस्वी वाटचाल होईल.

कर्क - आपल्या लोकांसाठी काहीतरी करावे असे वाटेल. त्याविषयी भावनाही दाटून येतील. इतरांचे आदरातिथ्य आणि आगत्य कराल.आनंदाने स्नेहभोजनाचे योग आहेत.

सिंह - आपल्या सगळ्याच गोष्टी आणि विचार पुढे दामटून नेहमीच चालत नाही. मनस्ताप टाळा. विनाकारण होणाऱ्या त्रास आणि कटकटी यामुळे तब्येतीचे नुकसान आज होऊ शकते. त्याविषयी खर्च संभवतो आहे.

कन्या -सलज्ज, शांत, संकोची अशी आपली रास आहे. आज आपण आपल्या स्वतःमध्येच धुंद राहाल. नव्याने पुढील स्वप्नांची आखणी करावी. आपले आकर्षक व्यक्तिमत्व अजूनच आज खुलून येईल.

तूळ - विवंचनेतून बाहेर पडण्याचा आजचा दिवस आहे. पैशाची आवक चांगली राहील. एकूणच दिवस प्रफुल्लित असेल. वडिलोपार्जित प्रॉपर्टीचे आज न्यायनिवाडा होईल.

वृश्चिक - शांत आणि धीरगंभीर टाकलेली पावले नवीन वाटा पदाक्रांत करतील. यश हे आपल्या नसानसात आज भिनलेले असेल "लाथ मारेल तिथे पाणी काढाल" असा दिवस आहे.

धनु- घरी धार्मिक कार्याचे योग आहेत. सर्वांबरोबर दिवस आनंदात जाईल. धावपळ वाढेल पण मनाला एक प्रकारची शांतता देऊन जाणारा आज दिवस आहे.

मकर - काही गुंतवणूक करण्यासाठी आजचा दिवस चांगला आहे. कष्टाचा पैसा आहे योग्य ठिकाणीच गुंतवा. प्रेमामध्ये यश मिळेल. शिव उपासना लाभदायी ठरेल.

कुंभ - आपले कनिष्ठ सहकारी आपल्याकडून प्रेरणा घेतील. नवीन गोष्टी कामाच्या बाबतीत आपल्याकडून घडतील. संशोधनावर भर राहील. कटकटी वाढतील पण तो कामाचाच एक भाग असेल. तब्येत जपा.

मीन- व्यवसायिक भागीदाराच्या काही कल्पना आपल्याला भावतील. त्याच पद्धतीने कामाची आखणी कराल. दोघांचा योग्य समन्वय व्यापार वृद्धीकडे घेऊन जाणारा राहणार आहे. कोर्टकचेरीच्या कामात यश मिळेल.