आजचे पंचांग

मंगळवार,५ नोव्हेंबर २०२४,कार्तिक शुक्लपक्ष,विनायकी चतुर्थी(अंगारक योग)

तिथी-चतुर्थी २४|१७

रास-वृश्चिक ०९|४५ नं.धनु

नक्षत्र-ज्येष्ठा

योग-अतिगंड

करण-वणिज

दिनविशेष-भद्रा वर्ज्य

मेष - धावपळ आणि दगदग बरेच दिवस चालू आहे. पण आजही ते तशीच राहणार आहे. गोष्टी ठरवल्याप्रमाणे घडतील असं नाही. शारीरिक श्रम जास्त होतील. काळजी घ्या.

वृषभ - कामांचे लचांड वाढते राहील. पण आज तुम्हाला व्यवसायामध्ये भागीदाराचा सल्ला आणि साथ घेणे गरजेचे आहे. नवीन प्रस्ताव येतील आणि ते तुम्ही स्वीकाराल.

मिथुन - आजाराने घेरलेला आज दिवस राहील. काही वेळेला काय होते हे निदान न लागता एखादी गोष्ट, त्रास अशी मागे लागटाटा. तो आजचा दिवस आहे. मनस्वास्थ्य जपा.

कर्क - आज विनायकी चतुर्थी. विशेष गणेशाची उपासना आपल्याला फलदायी ठरणार आहे. जप आणि मंदिरात जाऊन दर्शन घेतल्याने पैशाशी निगडित सर्व कार्य सुसह्य होतील.

सिंह - शेती - बागायती याची कामे मार्गावर येताना दिसतील. प्रलंबित पडलेली कामे सुरळीत होतील. कुटुंबीयांसाठी विशेष जबाबदारी आज उचलावी लागेल.

कन्या - वाणी आणि लेखणीच्या माध्यमातून धन वाढते राहील. आपला पराक्रम बहरेल. स्वतःचे अस्तित्व वेगळेपणाने आज तुम्हाला जाणवेल.

तूळ - आज कुठेही जामीन राहू नका. मैत्रीमध्ये पारदर्शकता असणे आज गरजेचे आहे. पैशाची निगडित घेतलेल्या चुकीच्या निर्णयामुळे कदाचित पुढे त्रास होईल. पण धनप्राप्तीचे योग आहे.

वृश्चिक - दिवस हा आनंदी राहणार आहे. आपली सकारात्मकता वाढीला लागेल. गोष्टी सुनियोजित होतील. इतरांना केलेल्या मदतीमुळे आज तुमचा फायदा निश्चित होईल.

धनु - विनाकारण आणि नाहक पैसा विचित्र ठिकाणी खर्च होईल. कदाचित दवाखाने, बंधन योग आणि व्यय होईल.नको तो मनस्ताप टाळण्यासाठी पैसे खर्च होतील. काळजी घ्या.

मकर - मित्रांमध्ये आज आपली एक वेगळी इमेज प्रस्थापित होईल. आपल्या कष्टाला योग्य तो न्याय मिळाला आहे हे जाणवेल. तुमच्यावर प्रेम करणारे हेच लोक आहेत हे आज त्यांच्या भावबंधनातून जाणवेल.

कुंभ - कामाची धावपळ राहणार आहे. प्रवास घडतील प्रवासातून नवीन ओळखी होतील. समाजकारणामध्ये रस वाढेल. नवीन संशोधनात्मक कार्य आपल्याकडून आज घडेल.

मीन - प्रेमाने जग जिंकता येते. अध्यात्माने स्वतःचा शोध घेता येतो हे आज समजून येईल. गणेश उपासना, समर्थांची उपासना यामुळे आजचा दिवस सुखाचा राहणार आहे. स्वस्थ रहा.