आजचे पंचाग

शुक्रवार,१३ सप्टेंबर २०२४,भाद्रपद शुक्लपक्ष.

तिथी- दशमी २२|३१

रास-धनु २७|२४ नं. मकर

नक्षत्र- पूर्वाषाढा

योग-सौभाग्य

करण-तैतिल

दिनविशेष-उत्तम दिवस

मेष - मनासारख्या घटना घडण्याचा आजचा दिवस आहे. आपण जे कर्म करतो त्या पद्धतीने त्याची चांगली वाईट फलित मिळत असतात. केलेल्या सत्कृत्याचा आज फायदा होईल.

वृषभ - खऱ्याचं खोटं आणि खोट्याचं खरे करणारी अनेक माणसं असतात. अशा लोकांपासून आज सावध राहण्याचा दिवस आहे. मानसिक ताणतणाव आणि शारीरिक श्रम दोन्ही वाढेल.

मिथुन- नव्या काही गोष्टी खरेदीचे योग आहेत. जोडीदाराबरोबर प्रेमाच्या गोष्टी होतील. संसाराची नव्याने स्वप्ने रंगवाल.अबोला असेल तर आज मनमिलाफ होईल.

कर्क- हाताखालच्या लोकांची विनाकारण अरेरावी सहन करावी लागेल. कामाच्या ठिकाणी थोडी बाचाबाची होईल. आपल्या बोलण्यामुळे गैरअर्थ घेतले जातील आणि मनस्ताप वाढेल.

सिंह - शेअर्समधील गुंतवणूक फायदेशीर ठरेल. उपासना मार्गातून धन मिळण्याचे योग आहेत. उदारपणे धार्मिक ठिकाणी दानधर्म कराल.

कन्या - जागा खरेदी, गाडी खरेदीसाठी आज दिवस तुमच्यासाठी चांगला आहे. आईचे विशेष काळजी घ्यावी. सुख दाराशी येईल.

तूळ - बहिणीचे सहकार्य लाभेल. कामामध्ये स्वतःला गुंतवून ठेवा. छोटे प्रवास होतील त्या प्रवासातून पुढे योग्य मोबदल्याची कामे वाढणार आहेत. दिवस संमिश्र राहील.

वृश्चिक - गायक, कलाकार लोकांना आजचा दिवस चांगला जाईल. इतरांकडून वाहवा होईल. सर्वांशी मिळून मिसळून राहण्याचा आजचा दिवस आहे. पैशाची आवक वाढती राहील.

धनु - स्वतःवर लक्ष केंद्रित करण्याचा आजचा दिवस आहे. व्यायामाची आवड वाढेल. व्यक्तिमत्व आकर्षक आणि उठून दिसेल. खरेदीचे योग आहेत.

मकर- न केलेल्या गोष्टींचे बालंट येईल. कोणी काय म्हटलं याचा विचार उगाचच मनामध्ये सलत राहील पण मनस्ताप होण्यापेक्षा तो टाळलेलाच बरा.

कुंभ- ज्येष्ठांसाठी सून -जावयांबरोबर दिवस सुखाचा राहील. नातेवाईक, मित्र यांचे बरोबर स्नेहभोजनाचे योग आहेत. जुनी मैत्री दृढ होईल.

मीन - करिअरवर आज विशेष लक्ष केंद्रित करावे लागेल. कामाचा व्याप वाढता राहील. समाजकारण आणि राजकारणात यश मिळण्याचा आजचा दिवस आहे.