यंदाच्या वर्षी ७ सप्टेंबर रोजी गणेश चतुर्थी आहे. या दिवशी आपल्या अनेकांच्या घरी बाप्पा विराजमान होणार आहेत. गणेश चतुर्थीचा हा सण गपणतीचा जम्नोत्सव म्हणून साजरा केला जातो. तब्बल १० दिवस हा सण अगदी उत्साहात साजरा केला जातो. दरवर्षी भाद्रपद महिन्याच्या शुक्ल पक्षातील चतुर्थी तिथीला गणेश चतुर्थी साजरी करण्यात येते.

गणेश चतुर्थीची तिथी ही यंदाच्या वर्षी 6 सप्टेंबरला दुपारी 3.01 वाजेपासून 7 सप्टेंबरला संध्याकाळी 5.37 वाजेपर्यंत असणार आहे. या उदय तिथीनुसार 7 सप्टेंबरला गणेश चतुर्थीचा सण साजरा करायचा आहे. या काळात आपल्या घरी गणेशमूर्तीची प्रतिष्ठापना करायची आहे.

गणेश चतुर्थीच्या स्थापनेची वेळ

गणेश चतुर्थीला गणपती बाप्पाची पूजा आणि स्थापना करण्याची योग्य वेळ शनिवार, 7 सप्टेंबर 2024 रोजी सकाळी 11.03 ते दुपारी 1.34 पर्यंत आहे. या काळात तुम्ही घरच्या घरी बाप्पाची स्थापना करू शकता. यानंतर बाप्पाची स्थापना झाल्यानंतर त्याची पूजा करायची आहे.

गणेश चतुर्थीला बनतायत खास शुभ योग

दरम्यान यंदाच्या वर्षी गणेश चतुर्थीला अनेक शुभ योगांची निर्मिती होणार आहे. हे योग या दिवसाला विशेष बनवणार आहेत. यावेळी ७ सप्टेंबर रोजी सर्वार्थ सिद्धी योगाची निर्मिती होणार आहे. हा योगाचा काळ दुपारी १२.३४ ते ८ सप्टेंबर रोजी सकाळी ६ वाजून ३ मिनिटांपर्यंत असणार आहे.

याशिवाय गणेश चतुर्थीला सकाळी ब्रह्म योग असणार आहे. जो रात्री 11 वाजून 17 मिनिटांपर्यंत असणार आहे. त्याचप्रमाणे इंद्र योगही यादिवशी असणार आहे. या दोन योगांव्यतिरिक्त रवि योग सकाळी 06.02 मिनिटांपासून ते दुपारी 12.34 मिनिटांपर्यंत आहे.

( Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. साम टीव्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या. )