आजचे पंचांग १६ जून २०२४

वार - रविवार. तिथी -ज्येष्ठ शुक्ल दशमी. नक्षत्र - हस्त. योग - वरियान. करण - तैतील. रास - तूळ. दशहरा समाप्ती. गंगावतार - गंगापूजनाने दहा प्रकारची पापे नष्ट होतात. दिनविशेष - उत्तम दिवस.

मेष - आपली मते जोडीदाराबरोबर विचार विनिमय करून मार्ग काढण्यासाठी तयारीत रहाल. नवीन दिशा, नवीन मार्ग सापडणार आहे. एकूणच दिवस आजचा छान राहील.

वृषभ - नोकरीमध्ये त्रास असला तरी दिवस समाधानाचा राहील. कामे मार्गी लागतील. आज मात्र नको त्या लोकांवर वेळ आणि पैसा वाया गेला अशी भावना मनात येईल.

मिथुन - आर्थिक लाभ मिळतील. शेअर्समधील गुंतवणूक, लॉटरी मधील गुंतवणूक फायदेशीर ठरेल. कलाक्षेत्रामध्ये सुसंधी मिळणार आहे. आज गंगा दशहरा समाप्ती. विशेष गंगा उपासना करा.

कर्क - शासकीय क्षेत्रामध्ये काम करणाऱ्या लोकांना दिवस चांगला आहे. मानसिक स्वास्थ्य समाधान लाभणार आहे. घरामध्ये पाहुण्यांची ऊठबस सरबराई राहील.

सिंह - जिद्द चिकाटीने यश खेचून आणाल. काही वेळेला मनाची ताकद ही मनगटात उतरवूनच काम करावे लागते तसा आजचा दिवस आहे. भावंडांचे विशेष सहकार्य आपल्याला आज मिळणार आहे.

कन्या - आर्थिक देवाणघेवाण, आर्थिक लाभाचे प्रमाण छान राहणार आहे. वडिलोपार्जित प्रॉपर्टी, दाग दागिने याविषयी महत्त्वाच्या काही गोष्टी असतील तर त्याचे निर्णय आपल्या बाजूने लागण्याची शक्यता आहे.

तूळ - आजचा दिवस छान आणि आनंदाचा राहणार आहे. तुमचा इतरांवर प्रभाव राहील सकारात्मकता राहील उत्साह आणि उमेद वाढेल.

वृश्चिक - दैनंदिन जीवनामध्ये व्यस्ताता राहील. उगाचच मनस्वास्थ्य खराब असल्याचे वाटेल. तराजूच्या पारड्यांसारखी आज दोलायमान स्थिती राहणार आहे.

धनु - आपले कार्यक्षेत्र रुंदावणार आहे. अनेक सुसंधी समोर येतील. प्रसिद्धी वाढेल. संतती बाबतचे प्रश्न मार्गी लागतील. वेगळं काही करण्याची उमेद जाणवेल.

मकर - कामाच्या ठिकाणी विशेष कौतुक राहील. त्यासाठी प्रवासाची शक्यता आहे. प्रॉपर्टीचे प्रश्न किंवा त्या संदर्भात सौख्य लाभेल. महत्त्वाच्या गाठीभेटी होतील.

कुंभ - धार्मिक कार्यात सहभाग घ्याल. सर्वांच्या सहकार्याने अध्यात्मात आनंद लुटाल.इतरांविषयी मनामध्ये चांगली भावना राहील.आज विशेष गंगा पूजन करा.

मीन - तब्येत जपा. वाहने जपून चालवा. येणाऱ्या पैशापेक्षा जाणारा पैसा आज त्रासदायक ठरेल. त्यामुळे हा खर्चाचे प्रमाण सांभाळा.