Devmanus Marathi Serial: झी मराठीवरील लोकप्रिय क्राइम-थ्रिलर मालिका “देवमाणूस – मधला अध्याय” मध्ये आता एक नवा ट्विस्ट उलगडत आहे. नुकत्याच प्रदर्शित झालेल्या प्रोमोमध्ये लावणी स्टार गौतमी पाटीलची एंट्री झाली आहे. सोशल मीडियावर ‘सबसे कातिल’ म्हणून ओळखल्या जाणाऱ्या या लावणी स्टारने आपल्या ठसकेबाज लावणी आणि ठसठशीत उपस्थितीने प्रचंड चर्चेचा वावर केला आहे. तिच्या या भूमिकेने मालिकेला एक नवीन उर्जा मिळवून दिली आहे आणि प्रेक्षक उत्सुकतेने अगामी भाग पाहत आहेत.

प्रोमोमध्ये विशेषतः गौतमीचा ‘ब्लाउज सीन’ आणि डॉ. अजितकुमार देव (किरण गायकवाड यांनी साकारलेले) यांच्यातील संवाद प्रेक्षकांना आवडला आहे. या दृश्यांमुळे सोशल मीडियावर आणखी चर्चा वाढली असून, अनेकांनी “माझ्यावर चान्स मारतोय…” गौतमीच्या संवादांचे विशेष कौतुक केले आहे.

गौतमीची एन्ट्री टीआरपी वाढवण्यासाठीचे पाऊल म्हणून काही नेटकऱ्यांनी टीका केली आहे. सोशल मीडियावर महाराष्ट्रभरातील प्रेक्षकांनी तिच्या मालिकेत घेतलेल्या प्रवेशाला ट्रोल केले असून, त्यांनी या निर्णयाला टीआरपीसाठी करण्यात आलेली “गायब स्टंट” मानले आह. यामुळे मालिकेच्या कथेवर आणि निर्मितीच्या पद्धतीवर प्रश्नचिन्ह निर्माण झाले आहेत.

“देवमाणूस” मालिकेचे पहिल्या दोन सीझनना प्रचंड प्रतिसाद मिळाला आहे. पहिला सीझन ३१ ऑगस्ट २०२० पासून सुरु झाला आणि दुसरा सीझन १० सप्टेंबर २०२२ रोजी संपला. आता या तिसऱ्या सीझनमध्ये गौतमी सारख्या नावाजलेल्या व्यक्तिमत्वाची उपस्थिती मालिका अधिक उत्तम बनवेल.पण, आता प्रश्न आहे की ती डॉक्टर देवला फसवेल का, की तोच तिला धडा शिकवील? हाच अपेक्षित थरकापाचा भाग राहणार आहे.