मनोरंजनसृष्टीवर शोककळा पसरली आहे. प्रसिद्ध अभिनेते संजय खान यांची पत्नी जरीन खान यांचे निधन झाले आहे. त्यांच्या निधनाने खान कुटुंबावर दुःखाचा डोंगर पसरला आहे. हृदयविकाराच्या झटक्याने वयाच्या 81 वर्ष जरीन खान यांनी अखेरचा श्वास घेतला. जरीन खान यांच्या पार्थिवावर हिंदू पद्धतीने अंत्यसंस्कार करण्यात आले. यावेळी बॉलिवूडचे अनेक कलाकार येथे पाहायला मिळाले. जरीन खान यांच्या जाण्याने त्यांच्या कुटुंबाला मोठा धक्का बसला आहे. जरीन खान यांची मुलं (सुजैन खान, सिमोन खान, फराह अली खान आणि झायेद खान ) भावुक झाली आहेत.

सध्या सोशल मीडियावर जरीन खान यांचा मुलगा आणि प्रसिद्ध अभिनेता झायेद खानचा एक व्हिडीओ व्हायरल होत आहे. ज्यात आईला अखेरचा निरोप देताना झायेद खान ढसाढसा रडताना दिसत आहे. तो खूप भावुक झाला होता. येथे खान कुटुंबीय आणि त्यांचा मित्रपरिवार उपस्थित होता. हृतिक रोशन, जॅकी श्रॉफ, बॉबी देओल आणि इतरांसह अनेक बॉलिवूड सेलिब्रिटींनी जरीन खान यांच्या निवासस्थानी जाऊन त्यांना श्रद्धांजली वाहिली.

जरीन खान यांनी शुक्रवारी (7 नोव्हेंबर 2025) ला मुंबईत राहत्या घरी अखेरचा श्वास घेतला. जरीन खान गेल्याकाही काळापासून आजारी होत्या. जरीन खान या उत्तम अभिनेत्री होत्या. जरीन खान यांनी त्यांच्या कारकिर्दीची सुरुवात मॉडेलिंग पासून केली. त्यानंतर त्यांनी बॉलिवूडमध्ये पदापर्ण केले. त्यांनी चित्रपटांमध्ये काम केले आहे. त्यांचे 'तेरे घर के सामने' आणि 'एक फूल दो माली' सिनेमे खूप गाजले.

अभिनय क्षेत्रानंतर त्यांनी इंटीरियर डिझायनर म्हणून प्रसिद्धी मिळाली. उद्योजक म्हणून स्वतःची ओळख निर्माण केली. जरीन खान वयाच्या 14 व्या वर्षी पहिल्यांदा संजय खान यांना भेटली. त्यांनी 1966ला लग्नगाठ बांधली.