Yuzvendra Chahal Chats Viral: भारतीय क्रिकेटर युजवेंद्र चहल पुन्हा एकदा चर्चेत आला आहे, यावेळी कारण ठरले आहे त्याचे एक कथित सोशल मीडिया चॅट. ‘गंदी बात’ या वेब सीरिजमधून ओळख मिळवलेली अभिनेत्री तान्या चॅटर्जी हिने चहलसोबतचा एक इंस्टाग्राम मेसेज पापाराझीं समोर शेअर केल्यामुळे हा वाद निर्माण झाला आहे.

मिळालेल्या माहितीनुसार, तानिया चॅटर्जीचा एक व्हिडिओ सध्या सोशल मीडियावर मोठ्या प्रमाणात व्हायरल होत आहे. या व्हिडिओमध्ये ती कॅमेऱ्यासमोर तिच्या मोबाईलमधील चॅट दाखवताना दिसते. या चॅटमध्ये चहलने तिला 'क्यूट' असा पर्सनल मेसेज केला आहे.

तानियाने सांगितले की, तिला हा मेसेज पाहायला उशीर झाला म्हणून त्यावर विशेष प्रतिक्रिया दिली नाही. विशेष म्हणजे, ती चहलला वैयक्तिकरित्या ओळखत नसल्यामुळे हा मेसेज तिच्यासाठी आश्चर्यकारक आहे असे तिने पॅप्सना सांगितले.

तान्या चॅटर्जीचा हा व्हिडीओ समोर आल्यावर सोशल मीडियावर विविध कमेंट येत आहेत. काही नेटकरी याला नॉर्मल बोलत आहेत. तर अनेकांनी याला चुकीचे ठरवत चहलला ट्रोल केले आहे. काहींनी तर तान्या चटर्जीवर पब्लिसिटी स्टंट करत असल्याचा आरोप केला आहे.

सध्या आयपीएल 2026 स्पर्धा सुरू असताना हा वाद समोर आल्यामुळे क्रिकेट आणि मनोरंजन क्षेत्रातही याची जोरदार चर्चा सुरू झाली आहे. यापूर्वीही चहलच्या वैयक्तिक आयुष्याशी संबंधित अनेक गोष्टी चर्चेत आल्या होत्या, त्यामुळे या नव्या प्रकरणाने पुन्हा एकदा त्याच्यावर लक्ष केंद्रित झाले आहे.