बॉलिवूड अभिनेता सलमान खान आणि गँगस्टार लॉरेन्स बिश्नोई यांच्यातला वाद दिवसेंदिवस वाढतच चालला आहे. सलमान खानचे निकटवर्तीय राष्ट्रवादीचे नेते बाबा सिद्धीकी यांच्या हत्येनंतर लॉरेन्स बिश्नोई चर्चेत आला आहे. बाबा सिद्धीकी यांच्या हत्येची जबाबदारी लॉरेन्स बिश्नोई गँगने घेतल्याची माहिती समोर आली. अशातच आता गँगस्टर लॉरेन्स बिश्नोईबाबत नवीन अपडेट समोर आली आहे.

गँगस्टर लॉरेन्स बिश्नोईच्या आयुष्यावर लवकरच वेबसीरिज बनवली जाणार आहे. निर्मात्यांनी नुकतीच याची घोषणा केली असून अॅक्शन सीन असलेली सीरिज लवकरच बनेल. माहितीनुसार, जानी फायरफॉक्स फिल्म प्रोडक्शन हाऊसद्वारे गँगस्टर लॉरेन्स बिश्नोईवर वेब सीरिज बनवली जाणार आहे. या वेब साीरजमध्ये लॉरेन्स बिश्नोईच्या आयुष्यात नेमकं काय काय घडलं? एक तरूण गँगस्टर कसा बनला याचा प्रवास असणार आहे.

अॅक्शन असलेल्या या वेब सीरिजचं नाव 'लॉरेन्स ए गँगस्टर स्टोरी' असं असणार आहे. इंडियन मोशन पिक्चर असोसिएशनने गँगस्टर लॉरेन्स बिश्नोई सीरिजच्या नावाला मान्यता देखील दिली आहे. सत्य घटनेवर आधारित ही वेबसीरिज नेमकं काय उलगडणार याची उत्सुकता आहे. या सीरिजमध्ये एका तरूण गँगस्टर कसा बनला याची कथा असणार आहे. या सीरिजमध्ये लॉरेन्स बिश्नोईची भूमिका कोण साकारणार आहे याबाबतची माहिती अद्याप समोर आलेली नाही.