Vijay Sethupathi At Jawan Success Party:

'जवान' चित्रपटाची सध्या सर्वत्र चर्चा आहे. या चित्रपटाने ७०० कोटींचे बॉक्स ऑफिस कलेक्शन केले आहे. नुकतीच 'जवान'च्या टीमने सक्सेस पार्टी साजरी केली आहे. या पार्टीमध्ये सगळ्यात जास्त चर्चा झाली ती चित्रपटाचा व्हिलन म्हणजे विजय सेतुपतीची.

दाक्षिणात्य अभिनेते अभिनयासह त्यांच्या स्टाईलसाठी देखील ओळखले जातात. दाक्षिणात्य चित्रपट जितके भव्य असतात तितकाच साधेपणा त्या कलाकारांमध्ये पाहायला मिळतो.

अभिनेता विजय सेतुपतीची दाक्षिणात्य चित्रपट सृष्टीत खुप क्रेझ आहे. त्याची फॅन फॉलेविंग देखील दमदार आहे. काल झालेल्या इव्हेंटमध्ये विजय सेतुपतीने प्रेक्षकांची मने जिंकली आहेत.

काल मुंबईमध्ये जवानच्या सक्सेस पार्टीचे आयोजन करण्यात आले होते. या पार्टीमध्ये शाहरूख खान, दीपिका पदुकोण, विजय सेतुपती, अॅटली कुमार तसेच जवानची टीम उपस्थित होती. 'जवान'चे सर्व कलाकार त्यांच्या बेस्ट लूकमध्ये पार्टीला आले होते.

शाहरूख खान देखील महागड्या सुटाबुटात होता. तसेच त्याने हेअर स्टाईल देखील केली होती. परंतु साऊथच्या सुपरस्टारने त्याच्या साधेपणा सगळ्यांचे लक्ष वेधून घेतले.

या सक्सेस पार्टीमध्ये जवानमधील काली म्हणजे विजय सेतुपती उभ्या रेषा असलेला निळा शर्ट आणि खाकी पॅन्ट घालून आला होता. तसेच त्याच्या पायात बुटांऐवजी हिरव्या रंगाची चप्पल होती. फोटो काढण्यासाठी तो अगदी शेवटी उभा होता. काही घाईगडबड नाही. सुपरस्टार असल्याचा चेहऱ्यावर अभिमान नाही. त्याच्या या साधेपणाने सगळे चकित झाले.