Vijay and Rashmika Wedding: दक्षिणेतील सुपरस्टार विजय देवरकोंडा आणि रश्मिका मंदान्ना यांच्या लग्नाच्या बातम्या सध्या चर्चेत आहेत. या महिन्यात उदयपूरमध्ये या कपलचे लग्न होणार असल्याचे वृत्त आहे, परंतु त्यांनी त्यांच्या नात्याबद्दल मौन बाळगले आहे. दरम्यान, त्याच वेळी हे दोन्ही कलाकार हैदराबाद विमानतळावर दिसले. पण, त्यांनी पापाराझींकडे दुर्लक्ष केले आणि पुढे गेले. रश्मिकाने राखाडी रंगाचा टॉप आणि डार्क चष्मा घातला होता, तर विजयने काळा शर्ट आणि चष्मा घातला होता. लग्नासाठी ते उदयपूरला रवाना झाल्याचे वृत्त आहे. विशेष म्हणजे, रश्मिका कपाळावर कुंकू लावलेले होते.

विजय देवरकोंडा आणि रश्मिका विमानतळावर दिसले

अलीकडेच या कपलची लग्नपत्रिका लीक झाली होती. या कार्डनुसार, रश्मिका आणि विजय २६ फेब्रुवारी रोजी लग्न करणार आहेत, तर ४ मार्च रोजी हैदराबादमधील ताज हॉटेलमध्ये रिसेप्शन आहे. पण, कार्डमध्ये लग्नाचे ठिकाण उघड करण्यात आले नव्हते. वृत्तानुसार, दोघे उदयपूरमध्ये लग्न करणार आहेत.

उदयपूरमधील लग्नाच्या बातम्या

रश्मिका आणि विजय यांनी नोव्हेंबरमध्ये साखरपुडा केल्याचे वृत्त आहे. त्यांचे लग्न या फेब्रुवारीमध्ये होणार होते. आता असे वृत्त आहे की हे कपल उदयपूरमधील एका हेरिटेज ठिकाणी जवळच्या लोकांच्या उपस्थितीत लग्न करणार आहे.

नेटफ्लिक्सकडून ऑफर?

विजय आणि रश्मिकाच्या लग्नाबद्दल असेही वृत्त आहे की त्यांना नेटफ्लिक्सने मोठी ऑफर दिली होती. नेटफ्लिक्स त्यांचे लग्न कव्हर करू इच्छित होते. असे वृत्त आहे की यासाठी त्यांना ६० कोटी रुपयांची ऑफर देण्यात आली होती. पण, या कपलने ही ऑफर नाकारुन त्यांचे लग्न प्रॉयव्हेट ठेवण्याचा निर्णय घेतला.

रिलेशनशिप २०१८मध्ये सुरु झाले

विजय देवेराकोंडा आणि रश्मिका मंदान्ना यांची प्रेमकहाणी २०१८ मध्ये त्यांच्या गीता गोविंदम या चित्रपटापासून सुरू झाली. त्यानंतर त्यांनी डिअर कॉम्रेड या चित्रपटात एकत्र काम केले आणि त्यांची जवळीक वाढली. पण, विजय आणि रश्मिका यांनी त्यांच्या नात्याबद्दल नेहमीच मौन बाळगले आहे. लग्नापूर्वी देखील त्यांनी याबद्दल मौन बाळगले आहे.