Versova News : प्रसिद्ध दिग्दर्शकाच्या नावाने फेसबुकवर बोगस अकाउंट खोलून मुलींची चॅटिंग करणाऱ्या इंजिनियरला वर्सोवा पोलिसांनी (police) अटक (arrest) केली आहे. आरोपी इंजिनियर शनामुगावडीवेल थणगावेल (३१) हा तामिळनाडू येथील रहिवासी असून वर्सोवा पोलिसांनी त्याला तामिळनाडू येथून अटक केली आहे. (Breaking Marathi News)

पोलिसांनी दिलेल्या माहितीनुसार संशयित आरोपीने प्रसिद्ध दिग्दर्शकाच्या नावाने फेसबुकवर बोगस अकाउंट तयार केले होते. यावरून तो सिनेमात काम करण्यास इच्छुक असलेल्या तरुणींना काम देण्याचे कबूल करीत असे. त्यांच्याकडून बायोडाटा मागवून तरुणीशी संवाद साधत असे. (Maharashtra News)

त्यानंतर तरुणींकडून त्यांचे बोल्ड फोटो मागवून त्यांना ब्लॅकमेल करण्याचा प्रयत्न करत असे. ही बाब काही तरुणींनी दिग्दर्शक श्रीराम राघवन सुंदरा राघवन यांच्या निदर्शनास आणून दिली. यानंतर राघवन यांनी यासंदर्भात वर्सोवा पोलिस स्टेशन येथे 23 मार्च रोजी तक्रार नोंदवली. घटनेचे गांभीर्य पाहून वर्सोवा पोलिसांनी आरोपीच्या शोधासाठी पथक तयार केले.

यांनतर तांत्रिक माहितीच्या आधारे आरोपीचा शोध घेण्याचा प्रयत्न केला असता आरोपी हा परराज्यातील असल्याचे निष्पन्न झाले. यानंतर वर्सोवा पोलिसांच्या एक पथकाने त्रीचोनगोड तामिळनाडू येथून संशियतास ताब्यात घेतलं. संबंधिताला न्यायायलायात (court) हजर करण्यात आल्यानंतर त्यास पोलीस काेठडी सुनावण्यात आली आहे. वर्सोवा पोलीस प्रकरणाचा अधिक तपास करत आहे.

Edited By : Siddharth Latkar