नाटक, मालिका आणि चित्रपट अशा सर्व माध्यमातून आपल्या अभिनयाने प्रेक्षकांची मने जिंकणार अभिनेता म्हणजे उमेश कामत. उमेश आज त्याचा ४४ वा वाढदिवस साजरा करत आहे. उमेशच्या वाढदिवसानिमित्त चाहत्यांनी त्याच्यावर शुभेच्छांचा वर्षाव केला आहे. इंडस्ट्रीतील कलाकारांनी उमेशला शुभेच्छा दिल्या आहे. उमेशची खास मैत्रिण तेजस्वीनी पंडितनेही उमेशला हटके शुभेच्छा दिल्या आहेत.
तेजस्वीनीने उमेशसाठी इन्स्टाग्राम अकाउंटवर स्टोरी शेअर केली आहे. तेजस्वीनीने उमेशसोबतचा एक सेल्फी शेअर करत माझं तुझ्यावर प्रियापेक्षा थोडं कमी प्रेम आहे... खूप प्रेम मित्रा असं कॅप्शन देत वाढदिवसाच्या शुभेच्छा दिल्या आहे. तेजस्वीनीच्या या हटके शुभेच्छा सध्या चर्चेत आहेत.
तेजस्वीनी आणि उमेश कामतची मैत्री सर्वांनाच माहित आहे. या दोघांनी अनेक चित्रपटात एकमेकांसोबत काम केले आहे. त्यांच्या जोडीचे काम नेहमीच चाहत्यांना आवडते.
उमेशच्या वाढदिवसानिमित्त इंडस्ट्रीतून शुभेच्छांचा वर्षाव होत आहे. उमेशची बायको प्रियानेदेखील उमेशला हटके अंदाजात शुभेच्छा दिल्या आहेत. प्रियाने उमेश आणि कुटुंबियांचे फोटो शेअर करत 'माझा लाडका उमेश, माझ्या आयुष्यात तुझं असणं हे माझं सर्वात मोठं भाग्य आहे. 'तू माझ्या प्रत्येक क्राइममधील पार्टनर, मला कसं चिडवायचं आणि माझ्यावर कसं प्रेम करायचं हे ज्याला माहित आहे! अशा गोड, त्रासदायक आणि अमर्याद प्रेमाला शुभेच्छा. वाढदिवसाच्या हार्दिक शुभेच्छा'असं कॅप्शन दिले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.