Trisha Krishnan: तमिलनाडूमध्ये अभिनेते थलापती विजय यांच्या भरगोस यशानंतर आता चाहते जल्लोषाचा आनंद साजरा करत आहे. तमिळनाडूमध्ये विजयच्या TVK पार्टीने इतिहास रचून सगळ्यांना थक्क केलं आहे. आता तमिळनाडू विधानसभा निवडणूक 2026 च्या निकालांनंतर साऊथ इंडस्ट्रीतील लोकप्रिय अभिनेत्री त्रिशा कृष्णन पुन्हा एकदा चर्चेत आली आहे. अभिनेता ते राजकारणी बनलेले थलपती विजय यांच्या पक्षाने ऐतिहासिक कामगिरी करत केली. पण १२ वर्षांपूर्वीचा त्रिशाचा एक व्हिडिओ सोशल मीडियावर तुफान व्हायरल होत आहे.

या विजयानंतर त्रिशाचा एक जुना व्हिडिओ सोशल मीडियावर जोरदार व्हायरल झाला आहे. या व्हिडिओमध्ये ती आत्मविश्वासाने “मी एक दिवस मुख्यमंत्री बनेन” असे म्हणताना दिसते. हा व्हिडिओ तब्बल १२ वर्षांपूर्वीचा असून, विजयच्या यशानंतर पुन्हा समोर आल्यामुळे चाहत्यांमध्ये उत्सुकता वाढली आहे.

४ मे रोजी निकाल लागला आणि याच दिवशी त्रिशाचा वाढदिवस होता. मधल्या अनेक काळापासून त्रिशा आणि विजय हे रिलेशनशिपमध्ये असल्याचे बोलले जात आहे. हा योगायोग अधिक चर्चेचा विषय ठरला. वाढदिवसाच्या दिवशी ती विजयच्या घरी गेल्याचेही पाहायला मिळाले. त्यामुळे दोघांमधील जवळीक आणि भविष्यातील राजकीय शक्यता यावरही चर्चा सुरू झाली आहे.

सोशल मीडियावर अनेक चाहते त्रिशा आणि विजय यांच्या जोडीची तुलना तमिळनाडूच्या दिग्गज नेते जे. जयललिता आणि एम. जी. रामचंद्रन यांच्याशी करत आहेत. काहींनी तर त्रिशाला “लेडी लक” तर काही नेटकरी त्रिशा ही पुढची जयललिता असणार अशी देखील कमेंट केली आहे.