Liger song Aafat out News | मुंबई : साऊथचा सुपरस्टार विजय देवरकोंडा(Vijay Deverakonda)आणि अभिनेत्री अनन्या पांडे(Ananya Panday) यांचा बहुप्रतीक्षित 'लाइगर'(Liger) सिनेमा सध्या तुफान चर्चेत आहे. हा सिनेमा रीलीज होण्यास आता काही दिवसच उरलेले आहेत. या सिनेमाचे जोरदार प्रमोशन सुरू आहे. अलीकडेच सिनेमाचा धमाकेदार ट्रेलर त्याचबरोबर 'अकडी पकडी' आणि 'वाट लगा देंगे' या गाण्यांनी प्रेक्षकांची मने जिंकली आहेत.

सिनेमाच्या ट्रेलरमधील विजय देवरकोंडाचे डायलॅाग आणि डॅशिंग अंदाज थक्क करणारा आहे. नुकतेच या सिनेमाचे तिसरे गाणे 'आफत' देखील प्रदर्शित झाले आहे. या गाण्यात पुन्हा एकदा अनन्या आणि विजयची रोमॅंटिक केमिस्ट्री पाहायला मिळते आहे.

गाण्यात रम्या कृष्णन किचनमध्ये विजय देवरकोंडासाठी जेवण बनवताना दिसत आहे. त्याच दरम्यान अनन्या पांडेची एन्ट्री होते. अनन्या विजयकडे येण्याची परवानगी मागते, त्यावर विजय देवराकोंडा त्याच्या आईकडे पाहतो आणि तिला परत जाण्यास सांगतो. पण अनन्या एकत नाही आणि हात जोडून पुन्हा विजय देवराकोंडाला आत येण्याची विनंती करते. पण यावेळी विजयच बाहेर जातो आणि अनन्या तिथे येऊन विजयला ओढत लांब घेऊन जाते. त्यानंतर या गाण्यामध्ये दोघांचे रोमँटिक सीन दाखवण्यात आले आहेत.

या सिनेमातून विजय देवरकोंडाही बॉलिवूडमध्ये पदार्पण करत आहे, तर अनन्या पांडेही या सिनेमातून साऊथमध्ये पदार्पण करत आहे. कारण हा सिनेमा हिंदी आणि तेलुगू या दोन भाषांमध्ये प्रदर्शित होणार आहे. विशेष म्हणजे प्रसिद्ध बॉक्सिंगपटू माईक टायसन देखील या सिनेमातून भारतीय चित्रपटसृष्टीत पदार्पण करणार आहे.

'लाइगर' हा एक एक स्पोर्ट्स ड्रामा सिनेमा आहे. साऊथचे सुप्रसिद्ध दिग्दर्शक पुरी जगन्नाथ यांनी सिनेमाचे दिग्दर्शन केले असून, करण जोहर या सिनेमाचा निर्माता आहे. या सिनेमात विजय देवरकोंडासोबत अनन्या पांडे प्रमुख भूमिकेत दिसणार आहेत. याशिवाय रम्या कृष्णन, रोनिक रॉय, विष्णू रेड्डी आणि मकरंद देशपांडे हे देखील सिनेमात महत्वाच्या भूमिकेत दिसणार आहेत. हा बहुचर्चित चित्रपट २५ ऑगस्टला सिनेमागृहात प्रदर्शित होणार आहे.