Thama Teaser: मॅडॉक फिल्म्सने त्यांच्या बहुप्रतिक्षित 'थामा' चित्रपटाचा टीझर प्रदर्शित केला आहे, या टिझरने सर्वांचे लक्ष वेधून घेतले आहे. आयुष्मान खुराना, रश्मिका मंदाना आणि नवाजुद्दीन सिद्दीकी यांचा अवतार खूपच भयावह आहे. विशेष म्हणजे 'थामा' मध्ये भयपटांसोबतच एक रक्तरंजित प्रेमकथा आणि एका व्हॅम्पायर स्टोरी पाहायला मिळणार आहे.

मॅडॉक फिल्म्सने आतापर्यंत 'स्त्री', 'स्त्री २', 'भेडिया' आणि 'मुंज्या' यासारख्या हॉरर कॉमेडी बनवल्या आहेत. या सर्व चित्रपटांमध्ये प्रेमकथेचा थोडासा अँगल दाखवण्यात आला होता, परंतु 'थामा' ही या बॅनरची पहिली प्रेमकथा आहे.

'थामा' च्या टीझरमध्ये...

'थामा' चा टीझर आयुष्मान खुराणाचे पात्र आलोकच्या आवाजाने सुरू होतो. तो तारकाला म्हणजेच रश्मिका मंदानाला विचारतो, तू माझ्याशिवाय १०० वर्षे जगू शकशील का? ती उत्तर देते १०० वर्षे काय, एका क्षणासाठीही नाही. आणि मग रश्मिका मंदाना एका भयानक लूकमध्ये दिसते.

'थामा' हा चित्रपट २०२५ च्या दिवाळीत प्रदर्शित होणार आहे. आदित्य सरपोतदार यांनी हा चित्रपट दिग्दर्शित केला आहे. 'थामा'ची कथा 'स्त्री' आणि 'भेडिया'शी जोडलेली असल्याचे सांगितले जात आहे. या चित्रपटाचा ट्रेलर लवकरत प्रदर्शित होणार असून या चित्रपटात आयुष्मान खुराणा, रश्मिका मंदानाशिवाय नवाजुद्दीन सिद्दीकी, परेश रावल आणि प्रह्लाद चा महत्वपूर्ण भूमिका साकारणार आहेत.