Hetal Yadav: स्टार प्लसवरील इमली मालिकेचे चाहत्यांच्या मनावर आजही अधिराज्य कायम आहे. टॉप ५ मालिकेत आजही मालिकेचा समावेश नेहमी होतो. या शोमध्ये शिवानी राणाची भूमिका साकारणाऱ्या अभिनेत्री हेतल यादव हिचा काल रात्री मुंबईत हायवेवर अपघात झाला आहे.

मिळालेल्या माहितीनुसार, शिवानी मालिकेची शूटिंग संपवून घरी परतताना तिच्या कारला एका भरधाव ट्रकने धडक दिली आहे. त्यावेळी हेतल स्वत: गाडी चालवत होती, तिचा अपघात झाल्याची माहिती स्वत: हेतलने आपल्या मुलाला फोनवरुन दिली. या अपघातात तिला कोणतीही इजा झाली नसून या अपघाताची तिव्रता पाहता मनात थोडी भिती निर्माण झाली आहे.

या अपघाताबद्दल हेतलने एका इंग्रजी संकेतस्थळासोबत संवाद साधला. त्यावेळी ती म्हणाली, "मी काल रात्री 8:45 च्या सुमारास शूटिंग संपवून घरी निघाले. मी JVLR हायवेवर पोहोचताच एक ट्रक माझ्या कारला धडकला आणि त्या ट्रकने माझ्या कारला पुलाच्या बाजुला ढकलले. उड्डाणपुलावरुन माझी कार खाली पडली असती. पण लगेचच गाडीचा स्पीड आवरत ट्रकसमोर गाडी थांबवली आणि लगेचच वेळ न दवडता मुलाला फोन केला."

सोबतच ती पु्ढे बोलते,"मी त्याला पोलिसांना कळवण्यास सांगितले कारण या घटनेनंतर मला खूप मोठा धक्का बसला होता. पण सुदैवाने मला कोणतीही हानी झाली नाही. मला सकाळी लवकर सेटवर जावे लागले कारण शोमधील एका महत्त्वपूर्ण सीक्वेंसचे शूटिंग चालू आहे. अनपेक्षित परिस्थिती असूनही माझ्यामुळे शूट थांबू नये असे मला वाटत होते."

हेतलेने 'बालिका वधू', 'बॅरिस्टर बाबू', 'काशीबाई बाजीराव बल्लाळ' आणि 'तारक मेहता का उल्टा चष्मा' यासारख्या शोमध्ये काम केले आहे.