टिव्हीची प्रसिद्ध अभिनेत्री नेहा वडोलीयाने शूटिंगचा एक धक्कादायक प्रसंग सांगितला आहे. तिने अनेक मालिका, टिव्ही शो, रिॲलिटी शोमध्ये काम केले आहे. ती लोकप्रिय मालिका 'तारक मेहता का उल्टा चश्मा' मध्ये देखील झळकली आहे. अभिनेत्रीने एका इंटिमेट सीनचे शूटिंग करताना तिच्यासोबत घडलेला किस्सा सांगितला आहे.

सुनो इंडिया पॉडकास्टमध्ये नेहा वडोलीयाने सांगितले की, "मी एका बेव सीरिजचे शूटिंग करत होते. मी ज्या अभिनेत्यासोबत काम करत होते तो खूप चांगला होता. मी अभिनेत्यासोबत एका रुममध्ये किसिंग सीन शूट करत होते. मॉनिटर खोलीच्या बाहेर होता. दिग्दर्शक बाहेरून मायक्रोफोनमधून बोलत होते. मला त्यांचा थांबण्याचा इशारा ऐकू आला नाही आणि 'कट' म्हटल्यानंतरही मी अभिनेत्याला किस करत राहिले. त्यानंतर मला अभिनेत्याने सांगितले की सीन कट झाला आहे... मला त्या क्षणी खूपच लाज वाटली..."

नेहा वडोलीयाही अभिनेत्रीसोबतच इंटिमेसी कॉर्डिनेटरही आहे. चित्रपट, मालिका, वेब सीरिज यांमध्ये इंटिमेट सीन शूट करताना नेहल कलाकार, क्रू मेंबर्स आणि दिग्दर्शकाना मार्गदर्शन करते. मुलाखतीत आपल्या कामाबद्दल नेहा म्हणाली की, "जेव्हा एखाद्या चित्रपट, वेब सीरिज किंवा टीव्ही सीरिजमध्ये इंटिमेट सीन्स असतो तेव्हा इंटिमेसी कॉर्डिनेटरची गरज असते. कलाकारांना चांगले वाटावे म्हणून इंटिमेसी कॉर्डिनेटर असतो. वेब सीरिजमधील इंटिमेट सीन्स आम्ही लिहित नाही. ते दिग्दर्शक कथेनुसार लिहितात. तो सीन स्क्रिप्टमध्ये तयार केला जातो..."

नेहा पुढे म्हणाली, "खऱ्या आयुष्यात गर्लफ्रेंड-बॉयफ्रेंड किंवा पती-पत्नीमधील रोमान्स सेटवर घडत नाही, कारण या नात्यांमध्ये भावना गुंतलेल्या असतात. खरी जोडपी एकमेकांच्या प्रेमात असतात. म्हणूनच ते जवळीक साधतात. त्याला वेळेची मर्यादा नसते. पण हे सीन्स कथेसाठी केले जातात. तिथे कुठे थांबायचे हे तुम्हाला माहीत असते. कलाकार त्यांच्या इच्छेनुसार कमी-जास्त जवळीकीची दृश्ये करू शकत नाहीत. ते दृश्य कथेनुसारच करावे लागते..."