'बिग बॉस मराठी'च्या घरातील लक्षवेधी चेहरा म्हणजे सूरज चव्हाण. सूरजने आपल्या स्टाईलने प्रेक्षकांना चांगलच खिळवून ठेवलं आहे. त्याची प्रत्येक गोष्ट प्रेक्षकांच्या पसंतीस उतरत असते. आजच्या भागातही तो प्रेक्षकांना रडवताना दिसून येईल. त्यामुळे सूरजसह प्रेक्षकदेखील भावूक झालेले आजच्या भागात पाहायला मिळतील.

'बिग बॉस मराठी'च्या (Bigg Boss Marathi) नवा प्रोमो सर्वांचच लक्ष वेधून घेत आहे. प्रोमोमध्ये, 'बिग बॉस' म्हणत आहेत,"सूरज स्वागत करुयात आपल्या बहिणींचं आणि आत्यांचं".

सूरजच्या बहिणी आणि आत्या त्याला म्हणत आहेत,"तुझ्यामुळे आज आम्हाला इथपर्यंत यायला मिळालं आहे. सूरजला 'बिग बॉस मराठी'च्या आलिशान घरात पाहून त्याच्या बहिणींना आणि आत्याचा आनंद गगनात मावेनासा झाला आहे.

डीपीने निक्कीची मागितली माफी

डीपी दादा निक्कीला वेगळ्या नावाने हाक मारत असल्याचं तिला पटत नाही आहे. त्याबद्दल तिने डीपी दादांनादेखील सांगितलं. निक्की म्हणतेय,"लोक मला त्या माझ्या नावाने ओळखतात".

डीपी दादा पुढे निक्कीची माफी मागतात. डीपी दादा म्हणतात,"माझं हे इंटेशन नव्हतं. मी मनापासून तुझी माफी मागतो. मोठा भाऊ समजून मला माफ कर". निक्की पुढे डीपी दादांना काळजी घेण्याचा सल्ला देते.