'गदर 2' या चित्रपटातून अभिनेता सनी देओलने चित्रपटांमध्ये कमबॅक केला आहे. 'गदर 2' चित्रपटाने बॉक्स ऑफिसवर दमदार कामगिरी केली. 'गदर 2'नंतर आता सनी देओलकडून प्रेक्षकांच्या अपेक्षा वाढल्या आहेत. सनी देओल कोणत्या चित्रपटात दिसणार, हे जाणून घेण्यासाठी त्याचे चाहते उत्सुक आहेत.
दरम्यान सनी देओलच्या चित्रपटाविषयी मोठी अपडेट समोर आली आहे. सनी देओलचा आगामी चित्रपट भारत-पाकिस्तानवर आधारित असणार आहे. चला जाणून घेऊया सनी देओलच्या पुढील चित्रपटाविषयी.
'गदर 2'मध्ये सनी देओलने त्याच्या दमदार अभिनयाने प्रेक्षकांचे मनोरंजन केले. या चित्रपटानंतर सनी देओल फक्त चित्रपटांमध्ये काम करावे अशी त्याच्या चाहत्यांची इच्छा आहे. दरम्यान पिंकविला या वृत्तसंस्थेने सनी देओलच्या आगामी चित्रपटाविषयी मोठी अपडेट शेअर केली आहे.
'घातक' चित्रपटाचे दिग्दर्शक राजकुमार संतोषी यांच्या दिग्दर्शनात बनणाऱ्या चित्रपटामध्ये सनी देओल काम करणार आहे. 'घातक' या चित्रपटामध्ये देखील सनी देओलने मुख्य भुमिका साकारली होती. तसेच राजकुमार संतोषी आणि सनी देओलच्या या चित्रपटाची निर्मिती आमिर खानची निर्मिती संस्था करणार आहे.
वृत्तानुसार, सनी देओलच्या आगामी चित्रपटाची कथा १९४७ साली झालेल्या भारत-पाकिस्तान फाळणीवर आधारित आहे. या आशयाचे पंजाबी नाटक असून त्याचे चित्रपटात रूपांतर करण्यात येणार आहे. या नाटकाचे नाव 'जिसने लाहोर न देख्या वो जम्याई नहीं' असे आहे.
जर चित्रपटाविषयीचं वृत्त खरं असेल तर राजकुमार संतोषी आणि सनी देओल २७ वर्षांनी एकत्र काम करणार आहेत. याआधी सनी देओलने राजकुमार संतोषी यांच्यासह 'घातक', 'घायल' आणि 'दामिनी'सारख्या चित्रपटांमध्ये काम केले आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.