करण जौहर दिग्दर्शित 'रॉकी और रानी की प्रेमकहानी'ची सध्या बॉक्स ऑफिसवर यशस्वी घौडदोड सुरू आहे. चित्रपट अनेक कारणांनी चर्चेत येत आहे. चित्रपटातील शबाना आझमी आणि धर्मेंद्रच्या किंसिंग सीनवर बॉलिवूडमधून अनेकांनी चौफेर टीका केली आहे. आता स्वतः मुलगा सनी देओलने वडील धर्मेंद्रच्या किसिंग सीनवर वक्तव्य केले आहे.
२८ जुलैला प्रदर्शित झालेल्या 'रॉकी और राणी की प्रेमकहानी'(Rocky Aur Rani Ki PremKahani) चित्रपटात रणवीर आणि आलियाची लव्ह केमिस्ट्री पाहायला मिळणार आहे. चित्रपटात आलिया रणवीरसोबत शबाना आझमी, धर्मेंद्र, जया बच्चन आणि मराठमोळी अभिनेत्री क्षिती जोग महत्त्वपूर्ण भूमिकेत दिसत आहे. चित्रपटातील शबाना आणि धर्मेंद्र यांचा किंसिंग सीन चांगलाच चर्चेत आहे.
नुकत्याच एका मुलाखतीत सनी देओलने वडिल धर्मेंद्र आणि शबाना आझमीच्या किसिंग सीनवर प्रतिक्रिया दिली आहे. 'माझे वडिल काहीही करु शकतात. माझे वडिल एकमेव अभिनेते आहे, जे हे करु शकतात. मी सहसा चित्रपट पाहत नाही.
मी माझे स्वतः चे चित्रपट फारसे पाहत नाही. मी माझ्या वडिलांशी याबद्दल कसे बोलू? माझे वडिल असे व्यक्तिमत्तव आहे की जे सर्व काही स्वतः जवळच ठेवतात.' असे सनी देओल (Sunny Deol)म्हणाला.
धर्मेंद्र आणि शबाना यांना या सीनमुळे सोशल मीडियावर ट्रोलिंगचा सामना करावा लागत आहे. 'रॉकी और रानी की प्रेमकहानी' चित्रपटाच्या कमाईचा आकडा दिवसेंदिवस वाढतच आहे. चित्रपटाने १० दिवसात तब्बल १०० कोटींपेक्षा जास्त कमाई केली आहे. चित्रपट प्रेक्षकांच्या चांगलाच पसंतीस उतरला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.