मुंबई : अभिनेता शाहरुख खान Shah Rukh Khan मुलगा आर्यन खानशी Aryan Khan संबंधिमध्ये ड्रग्ज प्रकरणात 25 कोटी रुपायांची खंडणी मागितल्याचा आरोप एनसीबीचे विभागीय संचालक समीर वानखेडे Sameer Wankhede यांच्यावर करण्यात आला आहे. आता या प्रकरणामध्ये मुंबई पोलिसांच्या विशेष पथकाला चांगले यश आले आहे. शाहरुख खानची मॅनेजर पुजा ददलानीचे सीसीटीव्ही फुटेज पोलिसांच्या हाती लागले आहे. यामुळे या प्रकरणात खंडणीचा गौप्यस्फोट करणाऱ्या प्रभाकर साईलने उघड केलेल्या माहितीला कुठेतरी दुजोरा मिळणार आहे. मुंबई पोलीस लवकरच या प्रकरणाचा आता गुन्ह्याची नोंद करणार असल्याचे सांगितले जात आहे.

हे देखील पहा-

आर्यन खानला सोडवण्याकरिता मुंबई मधील लोअर परळ या भागात 25 कोटी रुपयांचे डील झाल्याचा आरोप प्रभाकर साईल याने केला होता. पोलिसांनी याप्रकरणी संबंधित भागात असलेल्या सीसीटीव्ही फुटेज तपासण्यास सुरुवात केली आहे. त्यामध्ये हा धक्कादायक फुटेज पोलिसांच्या हाती लागले आहे. यामध्ये मुंबईच्या लोअर परळमध्ये पुजा ददलानीची निळ्या रंगाची मर्सिडिज कार दिसून आलेली आहे. मुंबई पोलीस आता या पुराव्याच्या जोरावर पुजा ददलानी आणि आर्यन खानचा जबाब नोंदविण्याची शक्यता वर्तवली जात आहे.

मुंबई मधील क्रूझ पार्टीवर ड्रग्ज प्रकरणामध्ये पंच असलेल्या प्रभाकर साईल याने पुढे येत एनसीबी, किरण गोसावीवर खळबळजनक आरोप करण्यात आले आहेत. यामध्ये प्रभाकर साईल याने आर्यन खानला सोडवण्याकरिता 25 कोटी रुपयांची डील झाली होती. यामध्ये 8 कोटी समीर वानखेडे यांना देण्यात येणार होते, असे किरण गोसावी सॅम डिसोजा याला सांगत असल्याचे आपण ऐकले होते, असा गौप्यस्फोट प्रभाकर साईल याने केला होता. पोलिसांनी याप्रकरणाच्या चौकशीला सुरुवात करण्यात आली आहे. लोअर परळ भागातील सीसीटीव्ही फुटेज तपासण्यात आले होते.

Edited By- Digambar Jadhav