South Superstar Marriage News:

साऊथ फिल्म इंडस्ट्रीचा आणखी एक अभिनेता विवाह बंधनात अडकला आहे. दाक्षिणात्य सुपरस्टार अशोक सेल्वनचे (Ashok Selvan) आज लग्न झाले. अशोक सेल्वनने बुधवारी सकाळी अभिनेता आणि चित्रपट निर्माते अरुण पांडियन यांची मुलगी अभिनेत्री कीर्ती पांडियनसोबत (Keerthi Pandian) सात फेरे घेतले. अशोक सेल्वेन आणि कीर्ती पांडियन गेल्या अनेक वर्षांपासून एकमेकांना डेट करत होते. अखेर आज ते लग्नबंधनात (Ashok Selvan And Keerthi Pandian Marriage) अडकले. सध्या सोशल मीडियावर दोघांच्या लग्नाचे सुंदर फोटो आणि व्हिडिओ व्हायरल होत आहेत.अशोक सेल्वन आणि कीर्ती पांडियन यांना नवीन आयुष्यासाठी चाहत्यांनी शुभेच्छा दिल्या आहेत.

अशोक सेल्वन आणि कीर्ती पांडियन यांची काही महिन्यांपूर्वीच साखरपुडा केला होता. जवळचे नातेवाईक आणि मित्र परिवाराच्या उपस्थितीमध्ये दोघांनी साखरपुडा केला होता. त्याचप्रमाणे आज पार पडलेल्या विवाहसोहळ्याला देखील मोजकेच पाहुणे उपस्थित होते. या लग्नात अशोक सेल्वन आणि कीर्ती पांडियन यांचे नातेवाईक आणि जवळचे मित्र उपस्थित होते. दोघांनी बुधवारी तिरुनेलवेली येथील बालयांगोट्टईजवळ लग्न केले.

अशोक आणि कीर्ती यांनी लग्नानंतर आपल्या अधिकृत सोशल मीडिया अकाऊंटवर फोटो शेअर केले आहे. या फोटोंमध्ये दिसत आहे की, अशोक आणि किर्तीने साऊथ इंडियन स्टाईलमध्ये ऑफ व्हाईट कलरचा पारंपारिक पोषाख परिधान केला आहे. कीर्ती नववधूच्या रुपामध्ये खूपच सुंदर दिसत आहे. तर अशोकची ड्रेसिंग स्टाईल सर्वांना प्रचंड आवडत आहे.

अशोक सेल्वनने आपल्या इन्स्टाग्रामवर शेअर केलेल्य लग्नाच्या फोटोंना तमिळ भाषेमध्ये कॅप्शन दिले आहे. त्याच्या या पोस्टला चाहत्यांनी चांगलीच पसंती दिली आहे. या फोटोंना अवघ्या ४ तासांमध्ये ३ लखांपेक्षा जास्त लाइक्स मिळाले आहेत. अशोक आणि कीर्ती यांनी चेन्नईमध्ये लग्नाची रिसेप्शन पार्टीचे आयोजन केले आहे. या पार्टीला सिनेसृष्टीतील अनेक सेलिब्रिटी उपस्थिती लावणार आहेत.

अशोक सेल्वनने तमिळ चित्रपट 'सुथु कव्वुम'मधून चित्रपटसृष्टीत पदार्पण केले. यानंतर त्यांनी 'पिझ्झा 2', 'थेगिडी', 'सावले समाली', 'मनमथा लीलाई', 'होस्टल', 'सम पीपल' यांसारख्या अनेक हिट आणि सुपरहिट चित्रपटांमध्ये काम केले आहे. अशोकने अनी दिग्दर्शित 'निन्निला निन्निला' या चित्रपटातून तेलुगू चित्रपटांमध्ये पदार्पण केले. २०२१ मध्‍ये 'मराक्‍कर: अरबीकादलिंते सिम्‍हम' मधून त्याने मल्‍याळम चित्रपटसृष्‍टीत एन्ट्री केली.