'नाटु नाटु' या गाण्याला गोल्डन ग्लोबल अवॉर्ड मिळाल्याने साऊथ सुपरस्टार ज्युनियर एनटीआरची (Jr NTR) सर्वत्र चर्चा आहे. ज्युनियर एनटीआरसह त्याच्या कुटुंबियांसाठी आणि फॅन्ससाठी हे क्षण खूप खास आहेत.

वीस वर्षात पहिल्यांदाच असे घडले आहे की, एका भारतीय चित्रपटातील एका गाण्याला बेस्ट ओरिजिनल गोल्डन ग्लोब अवॉर्ड मिळाला आहे. यावेळी ज्युनियर सोहळ्याला एनटीआरसह त्याची पत्नी लक्ष्मी प्रणती सुद्धा त्याच्यासोबत उपस्थित होती.

ब्लॅक वेलवेट गाऊनमध्ये ती खूपच सुंदर दिसत होती. तिला पाहून कोणीच म्हणणार नाही की ती दोन मुलांची आई आहे. लक्ष्मी प्रणती तीशीत आहे. तसेच फिटनेसच्या बाबतीत ती जागरूक आहे.

ज्युनियर एनटीआर आणि लक्ष्मी प्रणती यांचा प्रेमविवाह झालेला नाही. ज्युनियर एनटीआरने त्याच्या आई-वडिलांनी पसंत केलेल्या मुलीशी लग्न केले आहे. ज्युनियर एनटीआरचे लग्न वयाच्या २६व्या वर्षीच झाले. त्यावेळी त्याची पत्नी लक्ष्मी प्रणती १८ वर्षाची होती. २०११साली पारंपरिक पद्धतीने त्यांच्या विवाहसोहळा पार पडला.

ज्युनियर एनटीआरच्या लग्नामध्ये त्याच्या कुटुंबीय आणि मित्रमंडळींसह त्याचे फॅन्स देखील उपस्थित होते, असे म्हटले जाते. जवळपास १२ हजार फॅन्स त्याच्या लग्नाला आले होते. त्याच्या लग्नसोहळ्याला १०० करोडचा खर्च करण्यात आला होता.

ज्युनियर एनटीआरची पत्नी लक्ष्मी प्रणतीची शिक्षण हैद्राबाद येथे झाले आहे. तिचे वडील श्रीनिवास राव बिसनेसमॅन आहेत. त्यांचे तेलगू चॅनेल सुद्धा आहे. ज्युनियर एनटीआरशी तिचे लग्न झाल्यानंतर लक्ष्मी लाईमलाईटमध्ये आली.