KP Choudhary Death: प्रसिद्ध दक्षिण भारतीय चित्रपट निर्माते के पी चौधरीने सोमवारी गोव्यात जीवन संपवले आहे. गोवा पोलिसांच्या म्हणण्यानुसार, सुरुवातीच्या तपासात असे कळून आले आहे की ड्रग्ज प्रकरणात अटक झाल्यानंतर आर्थिक संकट आणि कामाच्या अभावामुळे डिप्रेशनमध्ये चौधरीने ही टोकाची भूमिका घेतली आहे.

चित्रपट निर्माते आर्थिक संकटाचा सामना करत होते

केपी चौधरी म्हणजेच शंकरा कृष्ण प्रसाद चौधरी हा टॉलीवूडमधील एक प्रसिद्ध चित्रपट निर्माता आहेत. त्यांनी २०१६ मध्ये रजनीकांतचा सुपरहिट चित्रपट 'कबाली' ची निर्मिती केली. २०२३ मध्ये, केपी चौधरी यांना सायबराबाद स्पेशल ऑपरेशन्स टीमने ड्रग्जशी संबंधित प्रकरणात अटक केली होती.

चौकशी केल्यावर असे आढळून आले की त्याचे क्लायंट केवळ टॉलीवूडमध्येच नाही तर कॉलीवूडमध्येही होते. सुरुवातीच्या अहवालांमधून असे दिसून आले आहे की या प्रकरणानंतर, तो आर्थिक अडचणींचा सामना करत होता आणि त्याच्या कर्जदारांकडून त्याच्यावर दबाव होता. चित्रपट उद्योगात अपयश आल्यानंतर, तो ड्रग्ज डीलिंगच्या कामांमध्ये सामील झालाचा आरोप करण्यात आला आहे. डेक्कन क्रॉनिकलच्या वृत्तानुसार, त्याने गोव्यात ओएचएम पब देखील उघडला होता जिथून तो प्रसिद्ध सेलिब्रिटींना ड्रग्ज पुरवत असे.

केपी चौधरी यांनी रजनीकांतच्या चित्रपटात पैसे गुंतवले होते

२०१६ मध्ये, रजनीकांतचा सुपरहिट चित्रपट 'कबाली' प्रदर्शित झाला, ज्याची निर्मिती केपी चौधरी यांनी केली होती. इंडियन एक्सप्रेसमधील एका वृत्तानुसार, चित्रपटाने तेव्हा जगभरात ६५० कोटी रुपयांपेक्षा जास्त कमाई केली होती. आणि त्या वर्षी तमिळ चित्रपटसृष्टीतील सर्वात मोठ्या चित्रपटांच्या यादीत तो अव्वल स्थानावर होता.