मनोरंजन सृष्टी गाजवणारी नेहमीच आपल्या अभिनयाने लोकांच्या मनावर राज्य करणारी अभिनेत्री म्हणजे नयनतारा (Nayanthara ) होय. सध्या ही साऊथची सुपरस्टार 'बियॉन्ड द फेयरीटेल' डॉक्युमेण्ट्रीमुळे चर्चेत आहे. ही डॉक्युमेण्ट्री ओटीटीवर पाहता येणार आहे.

अभिनेत्री नयनताराने साऊथसोबतच हिंदी सिनेमाही गाजवला आहे. २०११ मध्ये 'श्री रामा राज्यम' नावाचा चित्रपट अभिनेत्री नयनताराने केला होता. या चित्रपटासाठी तिने खूप मेहनत घेतली होती. या चित्रपटादरम्यान एक किस्सा 'बियॉन्ड द फेयरीटेल' डॉक्युमेण्ट्रीमधील तिच्या टिम मेंबरने सांगितला आहे. त्यांने या चित्रपटासाठी नयनताराने मांसाहार सोडल्याचा खुलासा केला आहे. 'श्री रामा राज्यम' या चित्रपटात तिने माता सीतेची भूमिका साकारली होती. त्याने सांगितले की, 'श्री रामा राज्यम' चित्रपटात सीतेच्या भूमिकेसाठी नयनताराने नॉनव्हेज खाणं सोडलं होते. सीतेच्या भूमिकेचे पावित्र्य जपण्यासाठी नयनताराने अस केलं होत.

शूटिंग दरम्यान नयनतारा हॉटेल ताज कृष्णामध्ये राहत होती. तिने शूटिंग दरम्यान नॉनव्हेज सोबतच हॉटेलचं पाणीही पिणे सोडलं होत. तिच्यासाठी शुद्ध शाकाहारी जेवण बाहेरून मागवलं जात होत. नयनतारा कोणत्याला भूमिकेत स्वतःला झोकून देऊन काम करते. चित्रपटासाठी नयनताराने अनेक नियम लावून घेतलं होते. नयनतारा सोशल मीडियावर खूप सक्रिय असते. आपल्या विविध फोटोशूटचे फोटो आणि नवीन प्रोजेक्टची माहिती ती सोशल मीडियावर पोस्ट करत असते. तिच्या फोटोंमधील अदांनी ती कायमच प्रेक्षकांना घायाळ करत आली आहे. 'जवान' चित्रपटात किंग खान म्हणजे अभिनेता शाहरुख खान सोबत तिने दमदार अभिनय केला आहे. तिचा 'जवान' हा चित्रपट खूप हिट झाला.