बॉलिवूड अभिनेता सोनू सूद हा नेहमी चर्चेत असतो. सोनू सूद त्याच्या अभिनयासोबत सामाजिक कार्यामुळे ओळखला जातो. सोनू सूदने कोरोना काळात अनेक लोकांना मदतीचा हात पुढे केला होता. त्यासाठी लोकांनी त्याचे खूप आभार मानले होते. नुकतंच एका हॉटेलमध्ये सोनू सूदचे बिल भरुन एका चाहत्याने त्याचे हटके स्टाईलने आभार मानले आहेत. यासंदर्भात सोनू सूदने सोशल मीडियावरुन माहिती दिली आहे.
सोनू सूद एका हॉटेमध्ये जेवायला गेला होता. त्यावेळी एका अनोळखी व्यक्तीने त्याचे बिल भरले. त्यासाठीच सोनू सुदने कृतज्ञता व्यक्त केली आहे. (Latest News)
सोनू सूदने सोशल मीडियावर एका चाहत्याने लिहलेल्या चिठ्ठीचा फोटो शेअर केला आहे. 'देशातील तुम्ही केलेल्या सर्व चांगल्या कामासाठी खूप खूप धन्यवाद' असं त्या चिठ्ठीवर लिहलं आहे.
सोनू सूदने या फोटोवर कॅप्शन लिहलं आहे. 'हे कोणी केलं ते मला माहित नाही पण एका रेस्टॉरंटमध्ये आमच्या जेवणाचे संपूर्ण बिल कोणीतरी भरले. आणि ही गोड चिठ्ठी दिली. त्याच्या या कृत्याने मी खूप भावूक झालो आहे. धन्यवाद मित्रा', असं त्याने म्हटलं आहे.
सोनू सूद नेहमी लोकांसाठी काही न काही काम करत असतो. त्याच्या या सामाजिक कामासाठी त्याचे सर्व क्षेत्रातून कौतुक होत असते. काही दिवसांपूर्वी इंडियन क्रिएटिव्ह युनिटी ने अजितवाल मोगा येथे 1.17 लाख चौरस फुटांवर सोनू साठी एक उल्लेखनीय पॉप आर्ट मास्टरपीस केला होता. तसेच एका चाहत्याने मै भी सोनू सूद मोहिम सुरु केली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.