मराठीसह बॉलिवूडमध्ये आपल्या सहजसुंदर अभिनयाने प्रेक्षकांच्या मनात स्थान निर्माण करणारी अभिनेत्री सोनाली कुलकर्णी. सोनाली कुलकर्णी आजवर अनेक चित्रपटात काम केले आहे. आज ३ नोव्हेंबरला सोनाली कुलकर्णी तिचा ५० वाढदिवस साजरा करत आहे. सोनालीचा जन्म पुण्यात झाला आहे.

बॉलीवूड चित्रपटांमध्ये दमदार व्यक्तिरेखा साकारणारी अभिनेत्री सोनाली कुलकर्णी हिने तिच्या करिअरची सुरुवात साऊथ चित्रपटातून केली. पण तिला 'दायरा' या हिंदी चित्रपटातून ओळख मिळाली. सोनाली एक अभिनेत्री असण्यासोबतच निर्माती, लेखिका आणि नृत्यागंणा देखील आहे. मराठीसह हिंदी चित्रपटसृष्टीत अनेक चित्रपटांमध्ये काम केले आहे. सोनालीने संजय दत्त, सैफ अली खान या सुपरस्टार कलाकारांसोबत काम केले आहे. संजय दत्तसोबत मिशन काश्मीर चित्रपटात ती दिसली होती. चित्रपटात तिने संजय दत्तच्या पत्नीची भूमिका साकारली होती. यावेळचा किस्सा तिने शेअर केला आहे. सोनालीला सुरूवातील भिती वाटायची.

सोनालीने तिच्या मुलाखतीत सांगितले की, "आमचा एक सीन होता. त्या सीनला बेडरूम सीन असं नाव दिलं होतं. ज्याची काहीच गरज नव्हती. पण होत असं कधी कधी... तिथे जी हेअर ड्रेसर होती तिने मला कॉस्च्युम घातल्यानंतर अचानक विचारलं की तू वॅक्सिंग वगैरे केलंस का ? मी गोंधळले आणि तिला हो म्हटलं. पण तिने असं विचारल्यानंतर मी खूप नर्व्हस झाले होते."

"मी सीनसाठी गेले, माझी पोझिशन घेतली. पण, माझं काही लक्ष लागत नव्हतं. माझे शरीर कापत होते. माझे हात थरथरत होते. सीन असा होता की संजय दत्त म्हणतो अज अलताफबन मुझे अब्बा बुलाया... त्यावर मी त्याला म्हणते की उसने पहले ही मुझे अम्मी बुलाया है... त्यानंतर आम्हाला मिठी मारायची होती. पण, मी नर्व्हस झाले होते. संजय दत्तला ते कळलं, त्यांनी मला बोलवून एक मिनिट बसायला सांगितलं. तो म्हणाला हे बघ यामध्ये आपल्याला किसही करायचं नाहीये. काहीच नाहीये. फक्त डायलॉग आहेत आणि त्यानंतर आपल्याला मिठी मारायची आहे. आधीच मी नर्व्हस आहे. त्यात तू आणखी नर्व्हस झालीस तर ही सीन होणार नाही. तर तू थोडं शांत हो. त्यानंतर मग आम्ही हा सीन पूर्ण केला."