Smriti Mandhana-Palash Muchhal Wedding Date: भारतीय क्रिकेटपटू स्मृती मंधाना आणि संगीतकार पलाश मुच्छल यांचे लग्न २३ नोव्हेंबर रोजी पुढे ढकलण्यात आल्यानंतर आता ७ डिसेंबर रोजी लग्न होणार असल्याचे अनेक वृत्त मंगळवारपासून सोशल मीडियावर व्हायरल होत आहे. स्मृतीचा भाऊ श्रवण मंधानाने आता स्पष्ट केले की लग्नाच्या या अफवांमध्ये काहीही तथ्य नाही.

स्मृतीचा भाऊ श्रवण मंधाना हिन्दूस्थान टाईम्स सोबत बोलतातना म्हणाला "मला या अफवांबद्दल काहीही माहिती नाही. पण, सध्या तरी (लग्न) पुढे ढकलण्यात आले आहे. त्याच्या या विधानामुळे स्मृती आणि पलाशच्या ७ डिसेंबर रोजी लग्न होणार असल्याचे अफवांवर पूर्णविराम लागला आहे.

सांगली येथे होणारा विवाह सोहळ्याच्या दिवशी सकाळी अनपेक्षित परिस्थितीत लग्न थांबवण्यात आले. कारण स्मृतीचे वडील श्रीनिवास मानधना यांना हृद्यविकाराचा झटका आल्याने तातडीने रुग्णालयात दाखल करण्यात आले. त्यानंतर काही वेळातच, पलाशालाही रुग्णालयात दाखल करण्यात आले. कारण या घटनेमुळे त्याची तब्येत बिघडली म्हणून त्याला रुग्णालयात दाखल करण्यात आले. नंतर त्याच्या आईने उघड केले की त्याला आयव्ही सपोर्टवर ठेवण्यात आले होते आणि डिस्चार्ज देण्यापूर्वी अनेक चाचण्या करण्यात आल्या होत्या.

सुरुवातीला दोन्ही कुटुंबांनी मौन बाळगले असले तरी, लग्न स्थगित केल्याने ऑनलाइन अटकळ निर्माण झाली. आरोग्याच्या भीतीपलीकडे. वैयक्तिक संभाषणांचे कथित स्क्रीनशॉट लीक झाले आणि सोशल प्लॅटफॉर्मवर पलाशवर फसवणुकीचे आरोप होऊ लागले. यामुळे स्मृतीने तिच्या लग्नाच्या पोस्ट आणि प्रपोजल व्हिडिओ सोशल मिडीयावरुन डिलिट केला. तसेच तिने पलाशशी संबंधित सोशल मीडिया टॅग काढून टाकल्याने सोशल मिडीयावर या प्रकरणाची आणखी चर्चा रंगली.

ऑनलाइन गोंधळ असूनही, स्मृती किंवा पलाश दोघांनीही फसवणुकीच्या अफवांवर कोणतेही निवेदन जारी केलेले नाही. त्यांच्या इंस्टाग्राम बायोसमध्ये एक छोटी अपडेट केली आहे. यामध्ये दोघांनी ही बायोमध्ये वाईट नजरेचा इमोजी लावला आहे.