Rihanna Poses With Paparazzi Viral Video

देशातील सर्वात मोठे उद्योगपती मुकेश अंबानी आणि नीता अंबानी यांच्या घरी आनंदाचे वातावरण आहे. अनंत अंबानी आणि राधिका मर्चंट यांचा प्री-वेडिंग इव्हेंट गुजरातमधील जामनगरमध्ये आयोजित करण्यात आला आहे.

प्री-वेडिंग इव्हेंटला कालपासून सुरूवात झाली असून हा प्री- वेडिंग इव्हेंट ३ मार्चपर्यंत चालणार आहे. अनंत आणि राधिकाच्या प्री- वेडिंग इव्हेंटसाठी फक्त भारतातीलच नाही तर, विदेशातील अनेक प्रसिद्ध व्यक्तींनी उपस्थिती लावली आहे. अशातच सध्या चर्चा होतेय ती, जगप्रसिद्ध गायिका रिहानाची. रिहानाने अनंत आणि राधिकाच्या प्री- वेडिंग इव्हेंटमध्ये परफॉर्म केल्यानंतर आपल्या मायदेशी परतली आहे. (Singer)

गायिका रिहाना हिने अनंत आणि राधिकाच्या प्री- वेडिंग इव्हेंटसाठी भारतात २९ फेब्रुवारीला उपस्थिती लावलेली होती. ज्यावेळी रिहाना भारतात आली त्यावेळी तिने आणलेल्या सामानामुळे ती तुफान चर्चेत आली आहे. रिहानासोबत तिच्या टीमने देखील प्री-वेडिंग सोहळ्यासाठी जामनगरमध्ये उपस्थिती लावली होती. रिहानाने प्री- वेडिंग इव्हेंटमध्ये परफॉर्म केल्यानंतर ती आपल्या मायदेशी परतली आहे. तिचा एअरपोर्टवरील व्हिडीओ सध्या सोशल मीडियावर जोरदार व्हायरल होत आहे. (Gujrat)

अनंत आणि राधिकाच्या प्री- वेडिंग इव्हेंटमध्ये परफॉर्म करण्यासाठी गायिका रिहानाने बक्कळ मानधन घेतल्याचं सांगितलं जात आहे. गायिकेला पाहण्यासाठी तिच्या भारतीय चाहत्यांनी एकच गर्दी केली होती. गायिकेची क्रेझ पाहता काही पापाराझींनी “तुझ्याबरोबर आम्ही फोटो काढू का?” अशी विचारणा तिच्याकडे केली. यावर रिहानाने जराही विचार न करता आपल्या सुरक्षा रक्षकांना मागे हटण्यास सांगितलं आणि पापाराझींसह विमानतळावर आलेल्या सर्वसामान्य लोकांबरोबर तिने फोटो काढले. यामुळे तिचे नेटकऱ्यांकडून कौतुक केले जात आहे. (Viral Video)

अनेक युजर्सने रिहानाची तुलना बॉलीवूड सेलिब्रिटींबरोबर केली आहे. अभिनेत्रीचा साधापणा भारतीय चाहत्यांना फारच भावला आहे. युजर्स व्हिडीओवर कमेंट करत म्हणतात, “बॉलिवूड सेलिब्रिटींनी हिच्याकडून काहीतरी शिकायलं हवं.”, “याला म्हणतात खरा कलाकार”, “हॉलिवूडची असली तरीही रिहाना ‘डाऊन टू अर्थ’ आहे”, “हिच्यात खरी माणुसकी आहे.” अशा कमेंट्स नेटकऱ्यांनी तिच्या व्हिडीओवर केल्या आहेत. (Entertainment News)