अभिनेत्री श्वेता तलवारीला म्हणजेच 'कसोटी जिंदगी की' या मालिकेतील प्रेरणा या भूमिकेने घराघरात पोहोचवलं. सध्या श्वेता तिवारी तिच्या हॉट फोटो शुटमुळे चांगलीच चर्चेत असते. तिची पर्सनल आणि प्रोफोशन लाईफ कायमच वादग्रस्त राहिली आहे. ४३ वर्षांची श्वेता तिच्या अफलातून फिटनेसमुळे सर्वांचेचं लक्ष वेधून घेत असते. आता श्वेता एका दमदार भूमिकेतून प्रेक्षकांच्या भेटीला येणार आहे.

आता बातमी येत आहे की, श्वेता लवकरच करण जोहर सोबत काम करेल. धर्मा प्रोडक्शनच्या आगामी वेबसीरिजमध्ये श्वेता डॉनच्या भूमिकेत दिसणार आहे. ज्यात सुंदर साडीमध्ये श्वेता, सिगरेटचे झुरके ओढताना पाहायला मिळेल. श्वेतासाठी हा रोल अतिशय चॅलेंजिग असल्याचं तिने एका इंटरव्ह्यू मध्ये सांगितलं आहे.

या इंटरव्ह्यूमध्ये श्वेताने सांगितलं की, तिला आयुष्यात नवी सुरुवात करायची आहे. यासाठी ती लहान-सहान रोल करायलाही तयार आहे. आतापर्यत श्वेताने अनेक टिव्ही सिरिअलमध्ये काम केल आहे. मात्र आता तिला आऊट ऑफ द बॉक्स काही करायची इच्छा आहे.

या आधी श्वेता दिग्दर्शक रोहित शेट्टीच्या 'इंडियन पोलिस फोर्स'मध्येही दिसली होती. याशिवाय 'सिंघम अगेन' सिनेमात अजय देवगणसोबत दिसेल. टिव्ही सिरिअल सोबतच श्वेताने या आधीही अनेक सिनेमांमधून आपलं नशीब आजमावलं आहे. मात्र तिच्यासाठी हा प्रवास कधीच सोपा नव्हता. अनेक वेळा भेदभावचा सामना तिला करावा लागला. एकदा एका दिग्दर्शकाने 'तू सिनेमांमध्ये काम करण्याच्या लायकी नाही' असं सुनावलं होतं.

आपण आपल्या आयुष्यात समाधानी आहोत, मग ते वैयक्तिक आयुष्य असो किंवा काम असही श्वेताने सांगितलं. प्रोजेक्ट चांगला असेल तर मी पैश्यांची परवा करत नसल्याचं ही श्वेता ने म्हणल आहे.