Binodini kanha song : राष्ट्रीय पुरस्कार विजेते दिग्दर्शक राम कमल मुखर्जी यांच्या “बिनोदिनी - एकटी नातीर उपाख्यान” या चित्रपटातील बहुप्रतिक्षित “कान्हा” या पहिल्या गाण्याचे अनावरण अहिंद्रा मंच, कोलकाता येथे एका भव्य कार्यक्रमात करण्यात आले. कार्यक्रमात अभिनेत्री रुक्मिणी मैत्राचा एक नेत्रदीपक कथ्थक परफॉर्मन्स दाखवण्यात आला आहे.

राम कमल मुखर्जी यांनी लिहिलेल्या गाण्याला संगीत दिग्दर्शक सौरेंद्रो-सौम्योजित यांनी संगीत दिलेले असून सुप्रसिद्ध गायिका श्रेया घोषाल हिच्या सुमधुर आवाजात हे गाणे रेकॉर्ड करण्यात आले आहे. हे गाणे हिंदुस्थानी शास्त्रीय संगीताच्या समृद्ध परंपरेत भरलेले आहे. राग मंझ खमाजवर आधारित, या रचनेत कथ्थकचे घटक समाविष्ट आहेत. ज्याने जुन्या काळातील भव्यता प्रकट केली आहे. मनिषा बसू, सौविक चक्रवर्ती आणि अव्यान रॉय यांनी या गाण्याची कोरिओग्राफी केली आहे.

“हे गाणे बंगालमधील सर्वात प्रसिद्ध रंगमंच कलाकार, बिनोदिनी दासी यांना श्रद्धांजली अर्पित करण्यात आले आहे. बिनोदिनी दासी एक प्रतिष्ठित व्यक्तिरेखा आहे. जी जवळजवळ १५० वर्षांपूर्वी पुरुषप्रधान समाजाच्या विरोधात उभी होती. गाण्यात रुक्मिणी अतिशय सुंदर दिसली आहे आणि मला विश्वास आहे की माझ्या प्रेक्षकांना गणिकेच्या भूमिकेत तिचा सुंदर अभिनय नक्की आवडेल ”,असे दिग्दर्शक राम कमल मुखर्जी म्हणाले.

बिनोदिनी हा एक असा चित्रपट आहे जो स्त्रियांच्या न सांगितल्या जाणाऱ्या कथांवर प्रकाश टाकतो आणि स्वप्न पाहण्याच्या धाडसासाठी त्यांना किती किंमत मोजावी लागते यावर भाष्य करतो. देव एंटरटेनमेंट व्हेंचर्स प्रस्तुत आणि प्रमोद फिल्म्स आणि मिश्रित मोशन पिक्चर्स द्वारे संयुक्तपणे निर्मित, बिनोदिनी - एकती नातीर उपाख्यान २३ जानेवारीला सर्वत्र प्रदर्शित होणार आहे.