मुंबई : प्रसिद्ध रिअॅलिटी शो 'बिग बॉस'(Big Boss) मधून सलमान खान (Salman Khan) पुन्हा एकदा नव्या स्पर्धकांसह टीव्हीवर दिसणार आहे. या शोसाठी निर्मात्यांनी आतापर्यंत अनेक टीव्ही स्टार्सशी संपर्क साधला आहे. पण यावेळी टीव्ही स्टार्ससोबत एका फिल्म स्टारचे नावही समोर येत आहे. जो यावेळी बिग बॉसच्या घरात तग धरू शकतो. हा बॉलिवूड स्टार दुसरा कोणी नसून शायनी आहुजा (Shiney Ahuja) आहे. यावेळी शायनी आहुजा बिग बॉसच्या या खेळत सहभागी होऊ शकतो.

कलर्स टीव्हीवर प्रसारित होणार्‍या 'बिग बॉस १६' या बहुचर्चित रिअॅलिटी शोसाठी निर्माते स्टार्सशी संपर्क साधत आहेत. अलीकडेच असे वृत्त आले होते की यूट्यूबर आशिष चंचलानी, अर्जुन बिजलानी, सनाया इराणी आणि दिव्यांका त्रिपाठी यांसारख्या अनेक सेलिब्रिटींना बिग बॉसच्या निर्मात्यांनी सीझन १६ साठी विचारले आहे. आता या यादीत आणखी एका नावाची भर पडली आहे. एका वृत्तानुसार, यावेळी शायनी आहुजा बिग बॉस १६ च्या घरात आपली दमदार एन्ट्री करू शकतो.

सध्या शायनी आहुजा आणि 'बिग बॉस १६' चे निर्माते यांच्यात चर्चा सुरू आहे. जर सर्व काही ठीक झाले तर शायनी आहुजा 'बिग बॉस १६' मध्ये दिसणार आहे. मात्र, आतापर्यंत बिग बॉसचे निर्माते किंवा शायनीने कोणतेही अधिकृत वक्तव्य केलेले नाही.

शायनी आहुजाने आपल्या करिअरची सुरुवात टीव्हीपासून केली होती. शायनीने टीव्हीच्या माध्यमातून बॉलिवूडमध्ये प्रवेश केला होता. त्याने भूलभुलैया, गँगस्टर, लम्हे आणि वेलकम बॅक यांसारख्या चित्रपटात काम केले आहे.

शोचा संभाव्य स्पर्धक म्हणून या शायनीचे नाव प्रत्येक सीझनमध्ये समोर आले आहे. परंतु, तो आजपर्यंत या शोचा भाग बनला नाही. बऱ्याच दिवसांपासून तो कोणत्याही प्रोजेक्टमध्ये काम करताना दिसला नाही.