Shilpa Shetty's Juhu Residence Robbed: नेहमीच आपल्या फिटनेसमुळे चर्चेत राहणारी शिल्पा शेट्टी यावेळी मात्र एका वेगळ्याच कारणामुळे चर्चेत आहे. मीडिया रिपोर्ट्सने दिलेल्या माहितीनुसार, अभिनेत्रीच्या जुहूतील घरात चोरीची घटना घडली आहे.

गेल्या आठवड्यात अभिनेत्रीच्या जुहूतील घरात चोरी झाल्याची माहिती मिळाली आहे. याप्रकरणी मुंबई पोलिसांनी दोघांना अटक केले आहे. चोरांनी शिल्पाच्या घरातील काही महागड्या वस्तूंची चोरी केल्याचे उघडकीस आले आहे. अभिनेत्रीनं याबाबत पोलिसांकडे तक्रार दाखल केली आहे.

अभिनेत्रीच्या घरात गेल्या आठवड्यात चोरी झाली होती. पोलिस स्थानकात अभिनेत्रीने तक्रार दाखल केल्यानंतर पोलिसांनी चोराला अटक केली आहे. पोलिसांनी चोरांकडून अभिनेत्रीच्या घरातील शिल्पाच्या चोरी केलेल्या वस्तू हस्तगत केल्या आहेत. याप्रकरणी शिल्पाने जुहू पोलीस ठाण्यात तक्रार दाखल केली आहे. यापूर्वी देखील शिल्पा वेगवेगळ्या कारणामुळे अडचणीत आल्याचे दिसून आले आहे. सोशल मीडियावर अभिनेत्रीच्या फॅन्सची संख्या लाखोंच्या घरात आहे.

बॉलिवूडची फिटनेस क्वीन म्हणून प्रसिद्ध असलेली शिल्पा वयाची चाळीशी ओलांडली तरी तिच्या सौंदर्यात काही कमी पडलेली नाही. तिच्या फोटोंवर नेटकऱ्यांचा मिळालेला प्रतिसाद पाहून शिल्पा नेहमीच चर्चेचा विषय राहिलीय. गेल्या वर्षी शिल्पा आणि पती राज कुंद्रा गैरवर्तनामुळे ते दोघेही चर्चेत आले होते. त्यानंतर शिल्पाला प्रचंड मनस्ताप सहन करावा लागला होता.

शिल्पाच्या आगामी प्रोजेक्टविषयी बोलायचे तर, टीव्ही मनोरंजन विश्वातील रिॲलिटी शोमध्ये ती दिसणार आहे. बॉलिवूडमधील काही दिग्गज सेलिब्रेटींसोबत शिल्पा एका वेबसीरिजमधून ओटीटी विश्वात पदार्पण करणार आहे.