Cocktail 2 : बॉलीवूडची मस्तानी दीपिका पदुकोण आणि पतौडी नवाब सैफ अली खानचा 'कॉकटेल' चित्रपट नवदिच्या काळातील तरुणांसाठी विशेष आवडता चित्रपट आहे. या चित्रपटात लव्ह ट्रँगल दाखवण्यात आला होता. या चित्रपटातील गाण्यांचीही खूप चर्चा झाली होती. आता १२ वर्षांनंतर दिग्दर्शक होमी अदजानिया 'कॉलटेल'चा सिक्वेल बनवणार आहे. पण या चित्रपटात सैफ अली खान आणि दीपिका पदुकोण नाही तर शाहिद कपूर आणि क्रिती सॅनन एकत्र काम करताना दिसणार आहेत.

माहितीनुसार, 'कॉकटेल' नंतर दिनेश विजन 'कॉकटेल 2'ची निर्मिती करणार झाला आहे. मात्र, यावेळी चित्रपटात बदल पाहायला मिळणार आहेत. पण मागील चित्रपटाप्रमाणे या चित्रपटातही लव्ह ट्रँगल पाहायला मिळणार असून शाहीद कपूर आणि क्रिती सॅननसह या चित्रपटात रश्मिका मंदान्ना देखील दिसणार असल्याचे वृत्त आहे.

'कॉकटेल 2' कधी रिलीज होणार ?

२०१२ मध्ये 'कॉकटेल' रिलीज झाला तेव्हा हा चित्रपट दीपिका पदुकोणसाठी गेम चेंजर ठरला. या चित्रपटानंतर तिच्या करिअरचा ड्रफ वाढतच गेला. या चित्रपटाची कथा इम्तियाज अली यांनी लिहिली होती. या चित्रपटात एक प्लेबॉय, फोटोग्राफर आणि एक रूढीवादी मुलची प्रेम कथा दाखवण्यात आली होती. माहितीनुसार, सध्या 'कॉकटेल 2' साठी कास्टिंग चालू आहे आणि मे 2025 मध्ये हा चित्रपट रिलीज होऊ शकते.

शाहिद कपूर-क्रिती सॅनन वर्कफ्रंट

वर्क फ्रंटबद्दल बोलायचे झाले तर शाहिद कपूर शेवटचा 'तेरी बातों में ऐसा उल्झा जिया' मध्ये दिसला होता. सध्या तो रोशन अँड्र्यूच्या 'देवा' या चित्रपटाचे शूटिंग करत आहे. या चित्रपटात त्याच्यासोबत पूजा हेगडे आहे. क्रिती सॅननबद्दल बोलायचे झाले तर ती 'क्रू'मध्ये दिसली आहे. याशिवाय क्रिती सॅनन शाहीर शेखसोबत 'दो पत्ती' मध्येही दिसली आहे.