Shah Rukh Khan Birthday Special: २ नोव्हेंबर हा दिवस शाहरुख खानच्या चाहत्यांसाठी खूप खास होता. बॉलिवूडच्या बादशाहने त्याच्या 57 व्या वाढदिवसानिमित्त त्याच्या चाहत्यांची प्रत्येक इच्छा पूर्ण केली. शाहरुखने मन्नतच्या बाहेर येऊन चाहत्यांसोबत सेल्फी काढला. यानंतर पठाणचा टीझर आऊट करून सर्वांना आश्चर्याचा धक्का दिला. एवढेच नाही तर शाहरुख खानने वाढदिवसाच्या सेलिब्रेशनमध्ये 'छैय्या छैय्या' गाण्यावर डान्सही केला. शाहरुख खानचा हा व्हिडिओ सोशल मीडियावर चांगलाच व्हायरल होत आहे.

शाहरुख खान बॉलिवूडमधील असे व्यक्तिमत्त्व आहे, ज्याचे जगभरात चाहते आहेत. सेलेब्स असो वा सर्वसामान्य, लोकांच्या हृदयात शाहरुखचे स्थान काय आहे, हे क्वचितच कुणाला सांगण्याची गरज भासेल. म्हणूनच शाहरुख खानलाही आपल्या चाहत्यांना निराश करणे कधीच आवडत नाही. बादशाहच्या वाढदिवसानिमित्त मुंबईत एका कार्यक्रमाचे आयोजन करण्यात आले होते. या कार्यक्रमात चाहत्यांच्या आग्रहाखातर शाहरुख खानने 'छैय्या छैय्या' या आयकॉनिक गाण्यावर जबरदस्त डान्स केला. (Shah Rukh Khan)

एकीकडे बादशहाच्या वाढदिवसाचा आनंद. दुसरीकडे, त्याला स्टेजवर 'छैय्या छैय्या'वर नाचताना पाहणे हे चाहत्यांसाठी अद्भूत दृश्य होते. किंग खानचा डान्स पाहून चाहते वेडे झाले आहेत. व्हिडिओवर चाहते किंग खानचे कौतुक करून अजूनही थकले नाहीत. (Viral Video)

कार्यक्रमादरम्यान डान्स करण्यासोबतच शाहरुख खानने त्याच्या फिटनेसबद्दलही अनेक गोष्टी सांगितल्या. किंग खान म्हणाला की, लॉकडाऊनमध्ये तो दोन तास जिममध्ये घालवत होता. त्याने सलमान खान, हृतिक रोशन आणि टायगर श्रॉफ यांच्याकडून व्यायामाच्या टिप्सही घेतल्या. बॉलीवूडच्या बादशहाने वाढदिवसानिमित्त जे काही सांगितले, चाहत्यांना त्याच्या प्रत्येक गोष्टीचे कौतुक केले. (Bollywood)

शाहरुख खानचा आगामी चित्रपट 'पठाण' 25 जानेवारी 2023 रोजी प्रदर्शित होणार आहे.