Jawan Pre-Released Collection : शाहरुख खानला पुन्हा एकदा मोठ्या पडद्यावर पाहण्यासाठी प्रेक्षक उत्सुक आहेत. शाहरुखचा 'जवान' चित्रपट लवकरच प्रदर्शित होणार आहे. या चित्रपटाची खूप चर्चा देखील होत आहे. शाहरुखचे चाहते चित्रपटाची आतुरतेने वाट पाहत आहेत. शाहरुखच्या या बिग बजेट चित्रपटाने प्रदर्शनाआधीच कोट्यवधींची कमाई केली आहे.

पठाननंतर आता शाहरुखचा 'जवान' चित्रपट ७ सप्टेंबरला प्रदर्शित होणार आहे. चित्रपट प्रदर्शित होण्यााधीच चित्रपटाने चांगलीच कमाई केली आहे. अॅटली कुमार दिग्दर्शित जवान चित्रपटात शाहरुख खान अॅक्शन हिरोच्या भूमिकेत दिसणार आहे. शाहरुखच्या या चित्रपटाचा ट्रेलर लवकरच प्रेक्षकांच्या भेटीला येणार आहे. (Latest Entertainment News)

मीडिया रिपोर्टनुसार, या चित्रपटाच्या गाण्यांचे हक्क विकून प्रदर्शनाआधीच ३६ कोटींची कमाई केली आहे. रिपोर्टनुसार काही कंपन्यांनी चित्रपटाच्या गाण्यांचे हक्क विकत घेण्यासाठी बोली लावली होती. परंतु या सगळ्यातून टी-सीरीज ही कंपनी बाहेर पडली असल्याचे बोलले जात आहे.

शाहरुख खान हा नेहमी ट्वीटरवरुन चाहत्यांशी संवाद साधत असतो. मध्यंतरी त्याने Ask SRK सेशनदरम्यान चित्रपटाबद्दल माहिती दिली होती. चाहत्याच्या प्रश्नाला उत्तर देताना शाहरुख खान म्हणाला की, मी आणि दिग्दर्शक अॅटली कुमारचा एकत्र पहिला चित्रपट आहे.

चित्रपटावर काही काम करणे अजून बाकी आहे. याचदरम्यान 'जवान' हा चित्रपट 'डंकी'पेक्षाही आव्हानात्मक असल्याचे शाहरुख खानने सांगितले. 'जवान' चित्रपटात शाहरुख खान दुहेरी भूमिकांमध्ये दिसणार असल्याचे सांगितले आहे.

किंग खानच्या जवान चित्रपटात दाक्षिणात्य सुपरस्टार नयनतारा आणि विजय सेतुपति झळकणार आहेत. शाहरुखसोबत सान्या मल्होत्रा आणि सुनील ग्रोव्हरही या चित्रपटामध्ये दिसणार आहेत. जवानमध्ये दिपीका पदुकोनही कैमिओ करणार आहे. शाहरुखच्या 'पठान'नंतर आता 'जवान'साठी प्रेक्षक आतुर आहेत. यानंतर शाहरुखचा 'डंकी' हा चित्रपटही लवकरच प्रेक्षकांच्या भेटीला येणार आहे.