मराठी सिनेसृष्टीतील प्रसिद्ध अभिनेत्री सायली संजीव आज लोकप्रियतेच्या शिखरावर आहे. सायलीने अनेक मराठी चित्रपटांमधून तिच्या अभिनयाचा ठसा उमटवला आहे. आज अभिनेत्री सायली तिचा वाढदिवस साजरा करत आहे. सोशल मिडियावर सायलीने वाढदिवसानिमित्त भावूक पोस्ट शेअर केली आहे. जी सध्या सर्वांचेच लक्ष वेधून घेत आहे.

सायलीने तिच्या इन्स्टाग्रामवर वाढदिवसादिवशी खास फोटो शेअर केला आहे. सायली वडिलांच्या आठवणीत अत्यंत भावूक झाली आहे. फोटोमध्ये तिने हातात वडिलांचा फोटो आणि गुलाबाची फुले घेतली आहेत. मिस यू असं कॅप्शन देत तिने हा फोटो इन्स्टाग्रामच्या स्टोरीवर शेअर केला आहे. या फोटोमध्ये सायलीच्या समोर केक पाहायला मिळत आहे.

सायली वडिलांच्या फोटोकडे निरागसतेने पाहत आहे. सायलीचा आज वाढदिवस आहे आणि वडिलांच्या आठवणींना उजाळा देत सायली साजरा करताना दिसते आहे. वडिलांच्या फोटोसोबत तिने केक कट केला आहे. सोशल मीडियावर शेअर केलेल्या सायलीच्या या पोस्टवर तिच्या चाहत्यांनी शुभेच्छांचा वर्षाव केला आहे. सायलीला सिनेसृष्टीतील अनेक कलाकारांनी देखील वाढदिवसांनिमित्त शुभेच्छा दिल्या आहेत.