Sania Mirza Shoaib Malik News: भारतीय टेनिस स्टार सानिया मिर्झा आणि पाकिस्ताचे क्रिकेटर शोएब मलिक यांचा २०१०मध्ये प्रेमविवाह पार पडला. या दोघांना इजहान हा चार वर्षाचा मुलगा आहे. सध्या सानिया तिच्या इंस्टाग्राम पोस्टमुळे चर्चेत आहे. सानियाच्या पोस्टवरून ती आणि शोएब विभक्त होणार असल्याचे म्हटले जात आहे.

सानियाने इंस्टाग्रामवर एक स्टोरी पोस्ट केली आहे ज्यामध्ये तिने लिहिले आहे की, 'तुटलेले ह्रदय कुठे जाते?, अल्लाला शोधण्यासाठी'. टेनिस स्टार सानियाने ही पोस्ट शेअर केल्यापासून चाहते हैराण झाले आहेत. मात्र शोएब किंवा सानिया दोघांनीही यावर कोणते स्पष्टीकरण दिलेले नाही.

पाकिस्तानातील मीडियाचे म्हणणे आहे की, मलिकने सानियाची फसवणूक केली आहे. पाकिस्तानी मीडियाने अशीही बातमी दिली आहे की, हे जोडपे वेगळे झाले आहे आणि बऱ्याच काळापासून वेगळे राहत आहे. अशा ही अफवा पसरवली जात आहे की हे जोडपे आता फक्त त्यांचा मुलगा इजहानसाठी पालक म्हणून एकत्र येणार आहेत. (Sport)

नुकताच त्यांनी त्यांचा मुलगा इजहरचा वाढदिवस साजरा केला आहे. दोघांनीही मुलाच्या वाढदिवसाचे फोटो सोशल मीडियावर शेअर केले आहेत. इतकंच नाही तर काही दिवसांपूर्वी सानियाने एक पोस्ट शेअर केली होती, ज्यामुळे सोशल मीडियावर खळबळ उडाली होती. सानियाने तिच्या मुलासोबतचा एक फोटो शेअर केला होता आणि कॅप्शनमध्ये लिहिले होते की, 'हे ते क्षण आहेत जे मला सर्वात कठीण दिवसांतून जाण्यास मदत करतात.' (Social Media)