बॉलिवूडचा भाईजान म्हणजे सलमान खान (Salman Khan ) सध्या बिश्नोईच्या प्रकरणामुळे चांगलाच चर्चेत आला आहे. बाबा सिद्दीकींच्या निधनानंतर आता बिश्नोई गँगने सलमान खानला धमकी दिली आहे. त्यामुळे सलमानच्या घरात टेन्शन वातावरण पाहायला मिळत आहे. अशात आता सलमानची बहिण अर्पिता खान शर्मा देखील चर्चेत आली आहे.

अर्पिताने (Arpita Khan) मुंबईतील तिचा आलिशान फ्लॅट विकला आहे. मुंबईतील खार परिसरात टॉवर मधले तिचा हा फ्लॅट होता. अर्पिताने हा फ्लॅट 22 कोटी रुपयांना विकला आहे. मीडिया रिपोर्टनुसार, घराचा करार नवरात्रीत झाला आहे. त्यांचे हे डुप्लेक्स अपार्टमेंट होते. सिनेवाइज कंपनीला अर्पिताने हे अपार्टमेंट विकले आहे.

आता आयुष शर्मा आणि अर्पिता खान नवीन घरात शिफ्ट होणार असल्याचे बोले जात आहे. त्यांनी वरळी येथे नवीन फ्लॅट विकत घेतला आहे. मात्र याची अजूनही कोणती अधिकृत माहिती समोर आली नाही. आयुष शर्मा आणि अर्पिता खानने 2022मध्ये हे घर खरेदी केले होते. अवघ्या दोन वर्षातच त्यांनी हे घर विकले आहे. अद्याप त्यांनी हे घर का विकले याचा खुलासा झाला नाही आहे. सलमान खानला मिळणाऱ्या धमक्यांसोबत अर्पिताच्या घर विकण्याशी नेटकरी कनेक्शन जोडत आहे. अर्पिताच्या या फ्लॅटची किंमत 2022 मध्ये 10 कोटी होती. तर आता 2024 मध्ये अर्पिताने हा फ्लॅट तब्बल 22 कोटी रुपयांना विकला. यामुळे आयुष शर्मा आणि अर्पिता खान यांना 12 कोटींचा नफा झाला असल्याचे बोले जात आहे.

आयुष शर्मा आणि अर्पिता खान हे 2014 लग्नबंधनात अडकले. त्यांना दोन मुलं आहेत. भावासाठी अर्पिताही टेन्शन मध्ये असल्याचे पाहायला मिळत आहे.