Sohail Khan Breaks Traffic Rules: बॉलिवूड अभिनेता आणि सलमान खानचा भाऊ सोहेल खानचा एक व्हिडिओ सोशल मिडियावर मोठ्या प्रमाणात व्हायरल झाला आहे. यात तो मुंबईच्या रस्त्यावर हेल्मेट न घालता बाईक चालवताना दिसला. या व्हिडिओतून दिसते की सोहेल हेल्मेटशिवाय आपल्या बाईकवर आहेत आणि व्हिडिओ करणाऱ्या व्यक्तीला शिवीगाळ करत आहे. त्याच्या या वागणूकीमुळे नेटकरी त्याला मोठ्या प्रमाणात ट्राेल करत आहेत.

व्हिडिओ व्हायरल झाल्यानंतर, अनेकांनी त्याच्या असुरक्षित वर्तनावर प्रश्न उपस्थित केले आणि सोशल फेमस पर्सन म्हणून त्याच्या वागण्याला बेजबाबदार अशी टीका केली. या प्रकरणामुळे चाहत्यांमध्ये आणि सोशल मिडियावर त्याला ट्रोल करण्यात येत आहे.

या नंतर सोहेल खानने आपल्या इंस्टाग्राम अकाउंटवर एक माफीनामा प्रकाशित केला. त्यात त्यांनी स्पष्ट केले की, कधीकधी तो हेल्मेट न घालण्याचे कारण म्हणजे त्याला क्लॉस्ट्रोफोबिया (बंद जागेत अडकल्यासारखे वाटणे) हा त्रास आहे. यामुळे हेल्मेटमध्ये असताना त्याला त्रास होतो. परंतु, त्यांनी ही गोष्ट कधीही नियम मोडण्याचे कारण नाही असेही मान्य केले आणि त्याची चूक कबूल केली.

सोहेलने आपल्या पोस्टमध्ये सर्व बाइक राइडर्सला हेल्मेट घालण्याचे आणि सगळ्यांना सुरक्षा नियमांचे पालन करण्याचे आवाहन केले. त्याने म्हटले की, हेल्मेट घालणे आपल्या सुरक्षेसाठी आवश्यक आहे आणि सुरक्षित राहणे, उशीर होण्यारपेक्षा चांगले आहे”. तो पुढे म्हणाला की, आपल्या क्लॉस्ट्रोफोबियावर काम करून पुढे हेल्मेट नियमितपणे घालण्याचा प्रयत्न करेल. त्याशिवाय त्यांनी ट्रॅफिक अधिकाऱ्यांनाही माफी मागितली आणि भविष्यात ते सर्व ट्रॅफिक नियमांचे काटेकोर पालन करणार असल्याचे आश्वासन दिले.